Geolier - Vogl sul a te testo (lyrics)

T'aggio vista ’e passá
T''o giuro ca nun ce credevo
Ma po nun so’ venuto a vicino
E me sento nu scemo
Ammetto ca te guardavo, 'o facive pure tu
E mentre stive cu chillo
Chillo mo nun ce sta cchiù
E mo songo io ca te chiammo
Ê vvote po te contatto
Ma tu nun me rispunne
Dimme che t'aggio fatto
L'ammore nun è chesto
Dimme comme arraggiune
Primma me daje tutte cose e
Adoppo nun so' nisciuno
E mentre stongo ch''e diavole
E cammino sul'io pare strano
Ma cu lloro stongo ’int’â pace 'e Dio
Tengo ’e segne 'ncopp'â pelle
D'’e peccate che faccio
Nun corro aret'ê perzone pecché
Mo nun c''a faccio se vuò tu te ne vaje
Fallo e diceme: "Basta"
Ma n'ato comme 'e me nun 'o truove
Forse nun 'o fanno
L'ammore nun è pe'mmé pe
Chesto 'o jetto luntano
L'ammore nun è pe'mmé pe
Chesto 'o jetto luntano

Facimmo pace chesta sera (Sera)
Damme nu bacio e statte zitta (Zitta)
Ca addò stammo nisciuno vede (Vede)
È inutile ca piglie 'e 'ngrippe ('Ngrippe)
Pare ca staje a ffianco a
Mme pure si stongo luntano
Saccio ca sî juta 'nfreva
Si chella me guardava
Ma io voglio sulo a te (Te)
'O ssaje ca voglio sulo a te (Te)

Vulesse ca me vedisse dint'â stanza sulo je
Vedisse ca parlo da sulo
Ma nun saccio cu chi mo si stongo male
'o ssaje te parlo 'e chello che tengo
Primma quanno ero bambino ne parlavo cu Dio
Ê vvote nun saccio manco io
Chello ca po vulesse
Però po pe l'avé saccio chello che desse
E mo voglio sulo ca viene lloco e te spuoglie
Ca po si fernesse 'o munno
A me nun me ne futtesse
Ê vvote faccio apposta ca nun te veco e po
Saccio buono ca mo te vulesse n'appoco
E mo tu viene vicino famme sentere addore
Mentre facimmo ammore, mentre passano ll'ore
Addà passo mo e me sanno
Primma manco passavo
Pecché nun ce steva niente
Nemmanco na speranza
Chillo cumpagno tene 'o figlio (Figlio)
Chill'ato nun s'arrepiglia (piglia)

Facimmo pace chesta sera (Sera)
Damme nu bacio e statte zitta (Zitta)
Ca addò stammo nisciuno vede (Vede)
È inutile ca piglie 'e 'ngrippe ('Ngrippe)
Pare ca staje a ffianco a
Mme pure si stongo luntano
Saccio ca sî juta 'nfreva
Si chella me guardava
Ma io voglio sulo a te (Te)
'O ssaje ca voglio sulo a te (Te)