Qntal - Ab vox d’angel paroles de (lyrics)

Ab votz d'angel lengu'espena, non bleza
Ab motz sotils plans plus c'obra d'engles
Ben assetatz ben ditz e sens repreza
Miels escoutatz ses tossir, que apres
Ab plans, sanglotz mostran la via
De Jhesu-Crist que quex deuria
Tener, com el per nos la volc tener
Van prezican com ouescam Dieu vezer

Religios fon li premieir'enpreza
Per gent que treu ni bruida non volgues
Mas jacopin apres manjar n'an queza
Ans desputan del vin cals mieillers es
Et an de plaitz cort establia
Et es vaudes qui'ls ne desvia:
Et los secretz d'ome volon saber
Per tal que miels si puescan far temer
Esperitals non es la lur paubreza:
Gardan lo lor prenon so que mieus es
Per mols gonels tescutz de lan'engleza
Laisson selis car trop aspre lur es
Ni parton ges lur draparia
Aissi com Sains martins fazia:
Mas almornas, de c'om sol sostener
La paura gent volon totas aver

S'ieu fos maritz mot agra gran fereza
C'om desbraiatz lonc ma moiller segues
Qu'ellas e il an faudas d'un 'ampleza
E fuoc ab grais fun leumen s'es enpres