Tommaso Primo, Fede ‘n’ Marlen - Neapolitan love stories testo (lyrics)

Luna ca brilli ‘ncielo pe' me sì pupata
C''a vesta ammappuciata de ‘na fata
Cammini a piedi annure p''a città
Mare ca quanno ‘a vide po' ce lasse ‘e penne
T’adduone ca se tratta ‘e spuma d’onne
E faje ‘o ‘nzisto p''a vulè acchiappà

E intanto ‘o core abballa ‘nmiezo
‘a grare ‘e scola
Addore sotto ‘o naso de vasinicola
‘Na voce ca po’ allucca, chiano se cunzuma
"Sigarette a chi fuma"

Viento, ‘nmiezo a file d’evera crisciuta
T’adduorme ‘ngopp'a nuvole ’e velluto
Suscianno vott''a vita ‘a ccà e a llà
Sciore ca suonne si po’ isso te cunsola
Che ‘a tulipano po’ addeviente viola
Surride sì tempesta ha dda arrivà

E intanto ‘o core abballa ‘nmiezo
‘a grada ‘e scola
Addore sotto ‘o naso de vasinicola
‘Na voce ca po’ allucca, chiano se cunzuma
"Sigarette a chi fuma"

Ched'è 'sta forza ca me pare calamita
Che ‘a vvota fa cchiù male
‘e sale ‘nde ferite
E votta ‘o fuoco ‘ngopp''e litanie d''a gente
"Senza dicere niente"

E intanto ‘o core abballa ‘nmiezo
‘a grada ‘e scola
Addore sotto ‘o naso de vasinicola
‘Na voce ca po’ alluca, chiano se cunzuma
"Sigarette a chi fuma"