BAP - Immerhin songtext (lyrics)

Mmerhin ess dä Himmel schön blau
Un e‘ Lüffje weht, ahnjenehm lau
Bloome blöhe, ‘ne Schmetterling fladdert
En Hummel summp oder ‘n Bien

Wie‘t usssieht, flühß dä Fluss immer noch
Enn die richtige Richtung, un doch
Frööch mer sich, wo die Flamingos sinn –
Immerhin Sonnesching

Immerhin alles jröön noh all dä Zick
All dä Dunkelheit, all däm Stöbb
Immerhin ess et endlich su wigg
Dat mer sich russtraut, ahm leevste janz laut
Losschreie däät – vüür Jlöck
Drövv‘ ahm andere Ufer, em Schilf
Bei dä Nilpääd‘ ess et merkwürdig still
Sonderbar, dat mer kein Aape hührt
Irjendjet hätt die jestührt

Do, dä Baum, dä ahm Wasser steht
Muss dä sinn, dä Kalevu jemeint hätt
Also Jung, pass joot op met dä Axt
Wenn do en zo Brennholz hacks

Immerhin alles jröön noh all dä Zick
All dä Dunkelheit, all däm Stöbb
Immerhin ess et endlich su wigg
Dat mer sich russtraut, ahm leevste janz laut
Losschreie däät – vüür Jlöck

Jrille zirpe, ahm Himmel ‘ne Jet
Et jitt Daach, do ess alles perfekt
Wie bestellt, wie jedräump, wie jemohlt
Do ess alles su, wie et sinn soll

(Su wie bestellt, su wie jedräump
Als hätt e‘ Kind et jemohlt)

Immerhin alles jröön noh all dä Zick
All dä Dunkelheit, all däm Stöbb
Immerhin ess et endlich su wigg
Dat mer sich russtraut
Russ uss ‘äm Haus traut

Immerhin alles jröön noh all dä Zick
All dä Dunkelheit, all däm Stöbb
Immerhin ess et endlich su wigg
Dat mer sich russtraut, ahm leevste janz laut
Losschreie däät – vüür Jlöck