BAP - Jupp songtext (lyrics)

Ahn der Vringspooz triffste ’n
Met singe Kumpels un
Dä Mammutfläsch Lambrusco op dä Plastiktüüt
Met singe paar Klamotte steht: "Eduscho"
Jo, dä Jupp trick jraad sing Sejel huh
Un e’ nimmp dich met, jedenfalls meint er et
Un e’ verzällt sich fruh

Om Projramm steht Weltreis
Wie jeden Daach verzällt e’
Wat ihm wo passiert ess:
Kokosnöss un Packeis
Un wie e’ övver dä Äquator balanciert ess
Un övverhaup, die dausend Fraue, die e’ kannt
Un die Messerstecherei
Sick der dä Duhme fählt
Ahn singer rääschte Hand
Un eez enn Kathmandu
Wo e’ met zwei Yetis Skat jeklopp hätt
Do wood manche Nejer blass vun däm
Wat unsre Jupp och jeistig alles drop hätt
Un dann die Wahnsinnszick als Robinson
En singer eijene Welt
Janz op sich selvs jestellt –
Oh Mann, wer kann dat schon?

Jupp verzällt vum Joldrausch
Un wie e’ Twist jedanz hätt met ’ner Kobra
Vun ’nem karierte Zebra
’Ner blonde Fee uss Peking namens Lola
Nur vun Stalingrad verzällt e’ nie:
"Wo litt dat
Stalingrad? Enn welchem Land ess dat?"
Stalingrad pack e’ nie, irjendwie
Jo, dä Jupp trick jraad sing Sejel huh
Un e’ nimmp dich met, jedenfalls meint er et
Un e’ verzällt sich fruh