Kasalla - Bunte Hungk songtext (lyrics)

Fass immer, wenn mer ungewääs sin
Kütt irjendeiner zo mir
Un säht met Trone en d'r Aure: "Jung
Dinge Papp dat wor ne jode Fründ vun mir"

Un ich denk, irjendwie
Deiht dat e bessche wieh
Doch irjendwie deiht dat och joot
Denn du küss immer mit
Jung, ich verjess dich nit
Minge stille Co-Pilot

Du wors ne bunte Hungk, nie e Blatt vürm Mund
Häs dinge Fähler nie versteck
Du wors ne bunte Hungk, mingе wunde Punk
Ich han su vill Frore, ävver du bеs weg
Hey, ahle Räuber, kanns du mich hüre?
Kanns du mich sinn, wie ich he stonn?
Hey, ahle Räuber, wie ich probiere
In dinge Schohn wiggerzejonn
Du fähls mir jede Daach

Ich künnt dinge Rot off joot jebruche
Wenn ich nit weiß, wie et wiggerjeiht
Ich wööd jään wisse
Wat du sähs zu minger kleine Band
Saach, wat wör ding Lieblingsleed?

Un ich denk, irjendwie
Deiht dat e bessche wieh
Dat di Enkelche dich övverhaupt nit kennt
Doch du bes trotzdem do et weiß, dä Opa, jo
Dä wunnt do bovve, wo die Wolke sin

Du wors ne bunte Hungk, nie e Blatt vürm Mund
Häs dinge Fähler nie versteck
Du wors ne bunte Hungk, minge wunde Punk
Ich han su vill Frore, ävver du bes weg
Hey, ahle Räuber, kanns du mich hüre?
Kanns du mich sinn, wie ich he stonn?
Hey, ahle Räuber, wie ich probiere
In dinge Schohn wiggerzejonn
Du fähls mir jede Daach
Du fähls mir jede Daach

In minger Bud hängk noch dat Bild vun dir
Schwatzwieß, met Hoot un de sitz am Klavier
För su vill Lück wors do ne Fründ
Immer jradus un unjeschmink
Fassad hätt dich nie intressiert

Ne bunte Hungk

Du wors ne bunte Hungk, nie e Blatt vürm Mund
Häs dinge Fähler nie versteck
Du wors ne bunte Hungk, minge wunde Punk
Ich han su vill Frore, ävver du bes weg
Hey, ahle Räuber, kanns du mich hüre?
Kanns du mich sinn, wie ich he stonn?
Hey, ahle Räuber, wie ich probiere
In dinge Schohn wiggerzejonn
Du fähls mir jede Daach
Do fähls mir jede Daach

Fass immer, wenn mer ungewääs sin
Kütt irjendeiner zo mir
Un säht met Trone en d'r Aure: "Jung
Dinge Papp dat wor ne jode Fründ vun mir"