Kasalla - Durch ding Aure songtext (lyrics)

Ich luur dich einfach aan
Su klein un doch perfek steihs du do
Noch völlig ohne Sorje
Die Zick, die ras vöran
Wat kümmert dich dat schon? Drissejal
Denks lang noch nit aan morje

Et sin die kleine Saache
Jet spille, danze, laache
För dich steck do noch su vill Zauber drin

Künnt ich eimol noch de Welt
Durch ding Aure sinn

Cowboy un Spion jede Daach es för dich
E neues Abenteuer das Blömche es ding Kron
Et Jaadehuus dinge Palas
Dä Hungk e Unjeheuеr

Ungerm Kressbaum sitze kindеraure jlitze
Ich froch mich, wo sin all ming Johr nur hin?

Ach, künnt ich eimol noch de Welt
Durch ding Aure sinn

Maach et Finster op
Et reich e janz klei Stöck
Mer fleeje zom Mond un sin morje fröh zuröck
Die janze Welt litt dir ze Föößen
Un dä Himmel steiht dir op

De Daach es allt am Engk
De Naach brich aan, kumm zor Rauh
Häs kei Angs em Dunkele
Denn der Sandmann schenk
Dir ne Draum, läss för dich
Milljone Stääne funkele

Mich hät et jot jetroffe
Han mich am Jlöck besoffe
Ich dank dem Herrjott dofür, wat ich ben

Doch künnt ich eimol noch de Welt
Durch ding Aure sinn