Kasalla - E janz klei Besje songtext (lyrics)

Dä Aanfang wor einfach fass wie e Spill
Ne Aurebleck wie ne Bletzschlaach
Dä Himmel jewölkt op Wolke jebettet
Bedrunke vor Jlöck de Stääne e Leed jesunge
Völlig verröck de Daache verjinge
Un die Liebe bliev do mer han uns jezähmt
Un e Daach wor e Johr
Un beim eetste Räänschuur
Han mir nur jelaach dä Draum jing wigger
Mir sin opjewaach

Un ejal, wohin du jeihs, e janz klei besje
Vun mir jeiht met dir met
Un ejal, wo du uch bes, e janz klei besje
Vun dir bliev einfach he bei mir

De Zick heilt alle Wunde
Un erstick jede Keim us Luss weed Jewohnheit
Un aus jo e villeich wach lieje un waade
Zo feije zom Fliehe
Zo vill Angs, jet ze ändere
Sich neu zo verliebe immer tapfer jeschwieje
Vörbeijelääv jeder määt su sing Levve
Un fröch af un zu, wie et jeiht
Als mer lang allt jestorve wore
Wor et endlich vörbei hannelore un Helmut
Un nit Bonnie un Clyde

Doch ejal, wohin du jeihs, e janz klei besje
Vun mir jeiht met dir met
Un ejal, wo du uch bes, e janz klei besje
Vun dir bliev einfach he bei mir

Un ich weiß, ich lüch nit wenn ich dir saach
Do es jet üvverich
Weil ich dich immer noch maach
Ich hoff, du fings do drusse
Villeich sujet wie Jlöck
Un wenn du weiß, wo du hinsolls
Dann kumm doch einfach zoröck

Un ejal, wohin du jeihs, e janz klei besje
Vun mir jeiht met dir met
Un ejal, wo du uch bes, e janz klei besje
Vun dir bliev einfach he bei mir
Einfach he bei mir einfach he bei mir

E janz klei besje vun dir
Bliev he