LaBrassBanda - Bierzelt songtext (lyrics)
[LaBrassBanda - Bierzelt songtext lyrics]
Seit Wochen hamma uns drauf gfreit
Heid geh i, so vui is gwieß
Auf unser scheene Volksfestwies
Im Dorf da heard ma d'Musi scho
Da Werd zapft's erste Fassl o
Japaner, Preißn und Franzosn
Zoangn stoiz ihre Lederhosn
De Irmi in ihrm Dirndlgwand
De drogt zweif Massen umanand
Sie steid ma oane her an Disch
De Anni bringt an Steckerlfisch
Wia soist do ned zfrieden sei
Bei dera ganzen Schlemmerei
Mit bierbedingtem Schleierblick
Fehlt mir grod gor nix zu meim Glick
Es merkt, mit 3, 4 mass im Gsicht
Da Jupp wia ean da Hafer sticht
Is sonst a ganz a Schüchterner
Doch sonst is'ar a nüchterner
Mit ungehemmtem Selbstvertraun
Macht er der Vroni scheene Aung
De waar a durchaus intressiert
Wenn nur ned mitm Hans liiert
Zu spät! Da Hans kimmt zruck vom Klo
Sei Bluatdruck steigt glei merklich o
Der Jupp draht eam an Buckl zua
Und flirtet no in aller Ruah
Der Hans strickt d'Hemadärme nauf
Und streicht eam glei a gscheide auf
Doch des lasst sich der Jupp ned gfoin
Und packtn glei bei da Gürtlschnoin
Bevor de Vroni schlichtn ko
Liegt der Maßkruag scho am Bod'n
Der Obazde fliagt mit Effet
Der Leni in ihr Dekollete
Ihr markdurchdringendes Organ
Ruaft den Sepp jetz aufn Plan
Heroisch stürzt er sich ins g'fecht
Weil er bei ihra landn mecht
So wird aus dera Streiterei
A echte Bierzeltkeilerei
Nach alle Seiten broat sichs aus
Scho fliagt da oa aufd Wiesn naus
Ned jeder woas no so genau
Den Grund für diesen Mordsradau
Doch einglich is' bedeutungslos
Da Eifer is recht groß
D'Japaner ham grod dirigiert
Jetz sans aufs höchste fasziniert
Und filmen mit geübter Hand
Die Sitten in dem fremden Land
Ganz amüsiert schau i in Ruah
Vom Platz aus dem Geschehen zua
Und bstell mir zu dem Riesenspass
Glei no a dritte Maß
Erweiterte Interpretation hinzufügen
Wenn sie wissen, wovon der Künstler singt, wissen, wie man «zwischen den zeilen» liest und die geschichte des songs kennt, können Sie eine Interpretation des textes hinzufügen. Nach der überprüfung durch unsere redakteure werden wir es als offizielle interpretation des songs hinzufügen!
Zuletzt hinzugefügte Interpretationen von Texten