Nativ - Parisienne Vert songtext (lyrics)

Sitze dussen ufem Balkon
Mängisch chumi mir so aut vor
Sibe Nachrichte ufem Cellphone
Aber i ha no öbbis vor
Drum steu i d'Wäut stumm
Ha nes Rendez-vous mit mer säuber
Wüu Zyt für mi die nimi mir viu z’säute
I bi i Clubs und gibe Gäud us woni nid ha
Hitte Chicks ohni Grips nur dasi gfiggt ha
Aber nid hüt ds Läben isch e Bousteu
Und i wott fertig wärde bevori der Tod gseh
Früecher um d'Hüser zoge wie der Lothar
Hüt bini introvertierter aus mi Grandpa
Aber dasch OK i dänke gärn nache
So viu Lehrtage wos mängisch schwär mache
Dasi cha abschaute
Aber das söu mis Schicksau si
Zünde e Zigi aa u luege uf d'Strass abe

Es isch e ruhigi Nacht ume Kreisu
A der Rue de Morat
Bi wach we d’Sunne schlaft
Chopfhörer i mine Ohre lose Bootsy Collins
Der glych Tune geng wider vo vore
A der Rue de Morat a der Rue de Morat

Gseh ds Fernseh flimmere dür ds
Fänschter im Block vis-à-vis
Es muess e Krimi si
Oder e Doku über d'Technoszene in Rotterdam
Was irgendwo düre ja chli ds gliche isch
I ha ke Zyt uf mir aber i bruch se grad nid
Hüt bruchi nume mi
Luege zum Mond u reflektiere chli
Au di schlächte Entscheidige verdiene mi
Wüu hüt weisi ds Karma isch reau
Zeige aune woni liebe jede Tag
Dass i se liebe
Füre Fau dass üs ds Schicksau
Morn wott trenne vonenang
U mache mis Glück nümm abhängig vo de Mönsche
Wüu i gmerkt ha d'Schönheit si ligt überau
Si isch unändlech wine Zauh

Es isch e ruhigi Nacht ume Kreisu
A der Rue de Morat
Bi wach we d'Sunne schlaft
Chopfhörer i mine Ohre lose Bootsy Collins
Der glych Tune geng wider vo vore
A der Rue de Morat a der Rue de Morat

Yeah, yeah, ja, ja ja, ja, ja, ja
Ja, ja, ja, ja ja, ja, ja, ja
Life mängisch bini baff u dänke, aight
Z'Läbe isch e Journey wine hike
I wott nur chli layback mitre wife
Aber immer wider stressi mi mit Scheiss
Der Success macht eim so glücklech
Dasch e lie
I cha irgendwie nüt aafah mit de likes
Küsse se uf d'Lippe, si seit psych
Si hockt nume druffe wägem hype
I cha nümme truste, das isch damn
Darum bini immer wider gärn elei
Glück isch nid konstant isch wine
Doch i cha mi nid beklage i bi blessed
Denn das Läbe es isch wine Test
Denn das Läbe es isch wine Test
Denn das Läbe es isch wine Test

Denn das Läbe isch e Säge wenn drus lehrsch