Ringsgwandl - Winter songtext (lyrics)

War'n denn des net Winter
War'n denn de net schee?
Wia's ollawei so vui gschnieben hot
Drunt im Toi und hoch drobn auf da Höh

Kaam, daß a bißl Schnee do war
Do san ma naus mit'n Schlittn
Und san mit Lacha und mit
Schrei'n des Bergerl obegrittn

De Buam, de ham eahna ganzes Geld im
Nix und nu valiftlt
Und dahoam do war von de Weihnachtsplatzerl
A ganz a wunderbares Düfterl

Sechster Dezember, mei ham mir uns gfiacht
Do war ma olle schee brav drin im Haus
Weil draußn war da schiache Kramperl
Und da scheene Nikolaus
Sans rei ins Haus, dann ham
Mir brav sei miaßn
Am Bodn hi knian und betn
Und da Nikolaus liest aus sein
Goldna Buach und da Kramperl
Der raßlt mit da Kettn

War da Weiher neba unserm Haus im
Winter moi ganz fest zugfrohrn
Dann ham mir Buam Eishockey gspuit oder
San mit de Madln Paarlauf gfahrn
Danebn do warn auf da langa Bahn
Mit koite Fiaß de Großn
Und mit rote Nosn, de wo trepfet ham
So habn de Eisstock geschoßn

März, April, so in'n Friahling naus
Wenns Toi scho bliaht hot ganz voller Lebn
Do is obn auf'n Berg unterm blauen
Himme da glitzerweise Schnee no glegn

War'n denn des net Winter
War'n denn de net schee?
Wia's ollawei so vui gschnieben hot
Drunt im Toi und hoch drobn auf da Höh