Höhner - Bethlehem is üvverall songtext (lyrics)

Halv erfrore un nirjends e Leech
Nur dä Hungk dä ihn wärmt
´t jov lang nit mieh Fleisch
Ziddernde Jestalt, do wirks su furchtbar alt
He en demm Loch schon su lang ungerwähs
Et schingk unendlich ze sin
Wie dä Levvenswääch op demm ich ben
Trostlose Zigg, bald es et su wigg
Un ich fall

Bethlehem es üvverall!
Och hück levve noch Minsche en su nem Stall
Kot vör´m et jeiht nit mieh
Ich weiß: wigger - ävver nit wie
Ich ben еn Bethlehem

Irjеndsu ene Zwang dä dich ungerdröck
Do häss´ funktioneet un wenn möglich flöck
Et sin immer nur die Kleine
Vun denne all meine dat die et triff´
Un die Stroß vun Lehm, hück es et Asphalt
Wo de Minsche langjon es et bitter kalt
Un keiner hätt e Woot för die
Die sich föhle wie dat Vieh von Bethlehem

Bethlehem es üvverall!
Och hück levve noch Minsche en su nem Stall
Un keiner hätt mieh Platz för die
In ene Stall jehööt halt Vieh irjendwie
Armut un Angst, Flucht un Kreech
Fremde Arbeit un nirjends e Leech
Un trotzdemm Mot zo jlöuve
En demm Dunkel wigger dröume
Dat et noch jet jitt

Watt mr nit berechne, kalkuliere kann
Sich einfach falle löß un weiß dann:
He ben ich ze Hus, frei un ohne Muß
He ben ich Minsch!

Bethlehem es üvverall!
Och hück levve noch Minsche en su nem Stall
Die trotzdemm hoffnungsvoll sin
För e Levve voll vun Sinn üvverall