Köster , Hocker - Kuss em Wind songtext (lyrics)

De Hüng sin still nur dä Mond es am hüle
Un ich stonn ungen am Rhing
Vill vill Wasser unger all dä Brücke
Wo's bloß de Fröhling hin
Ne Chihuahua widdert ne Gängbäng
Do hingen an dä Lind
Un janz höösch sejelt ne Kuss em Wind

Ich Jläuv ming Mamm hät dä eezte jehierot
Dä se zum Laache braat
Ding Huhzick es minge Dudesdaach
Hät ming Oma zo ihr jesaat
Minge Papp saat Jung maach ens halvlang
Du bes en nem freie Land
Je winnijer du vun däm wat die maache weiß
Je besser besde dran
En jeder Zupp es e Hoor du
Häs ne Mömmes am Kinn
Su kannsde lang waade op dä Kuss em Wind
Minge Nohber hät ene neue Besem
Un kehrt en Fedder vum Trottewar
Un die leere Fläsch Bier op singem Audi
Jrins ihn dreckelisch ahn
Du sääs et Levve es wie ne Boxkampf
Eez klammert et dann kütt dä Knock Out
Ich han ne Superlauf Jung mir
Han se ald drei Johr
Kei Fahrrad mieh jeklaut
Verkehrsschilderurwald op d'r Eck
Jradus durch et Labyrinth
Och für ne Jeck em Rään flüch ne Kuss em Wind

Dä Tom hät bei d'r Schmier jekündich
Him stund et bes ovve hin
Hä hatt keine Bock mieh Security
Für Banker un Nazis ze sin
Hey Pralinche ich ben ne Datenfreak
Kumm Saach mir wie alt du bes
Minge Aaz säät Jung du häls noch durch
Bes d'r FC Meister es
Weet dunn noch en Rund un loß loufe
Vun däm jröne Absinth
Sulang bes mer ihn föhle dä Kuss em Wind

Dä Klaus es noch immer en Afghanistan
Schriev dat hä janix mieh kapiert
Hä hät die Note vun Gimmie Shelter
Om Rögge tättowiert
Ne Kamerad hät en Jittar em Jepäck
Hemb us hä kriech wie e Kind
Drei Akkorde e besje Wohrheit un
Ne Kuss em Wind
Drei Akkorde e besje Wohrheit un
Ne Kuss em Wind