Köster , Hocker - Eng Wäng für dä Schäng songtext (lyrics)

Dä Schäng dä hät Südwind em Buch
Jans, Knödel, Printe, Pudding och
Hä däät sich su jään jet bewäje
Och e Kölsch vum Fass köhm ihm jeläje
Dr zweite Weihnachtsdaach es schlimm
Dä jeiht einfach nit eröm
Dr nähkste Besök klingelt bereit's
Schwiegermütterlicherseit's
Un hä spingks durch de Jardinge
Op sing Weetschaff op dr Eck
Do sin se bestemp am singe
Un hä kann he noch nit weg
Eng Wäng für de Schäng
Et Chrisfess trick sich en de Läng
Penetrante Tante un hungksmöde Bröder
Eng Wäng für de Schäng
Eng Wäng für de Schäng
Jetz kütt och noch dä Kusäng
Met Cousin Nadine un Problempanz Franz
Eng Wäng für de Schäng

De Schäng kritt langsam Ping em Buch
Nit nur Südwind, och Entzuch
Un dä Verzäll vun ihre Hüsje
Ze vill Parfüm, ze spacke Blüsje
Problempanz Franz lööt ene Bröll
Op eimol es et weihnachtlich still
Dr Franz hät om Laptop en dr Eck
Däm Schäng sing Porno-Sigg entdeck
Dä Schäng dä spingks durch de Jardinge
Op sing Weetschaff op dr Eck
Un singe Buch fängk an ze singe
Un hä kann he janit weg

Eng Wäng für de Schäng
Et Chrisfess trick sich en de Läng
Penetrante Tante un hungksmöde Bröder
Eng Wäng für de Schäng
Dr Südwind weht jetz durch de Bud
Dr Wellensittich stellt sich duut
Alles luurt de Oma ahn
Die es ald sick Woche nit joot dran
Plötzlich lichten sich de Tante
Och Nadine höpp en dr Mantel
Einer sprich vum Pflejeheim
Un bald is dr Schäng allein
Un hä jrient durch de Jardinge
Zo singer Weetschaff op dr Eck
Un si Hätz fängk ahn ze singe
Op ihn waat e herrlich Herrejedeck

Eng Wäng für de Schäng
Et Chrisfess trook sich en de Läng
Penetrante Tante un hungksmöde Bröder
Eng Wäng für de Schäng
Eng Wäng für de Schäng
Et rüch immer noch jet streng
Schnell en de Schoh, bal hät hä Rouh
Happy Eng für de Schäng
Happy Eng für de Schäng