Köster , Hocker - Et Mullah Ulla un d'r Pädajogi songtext (lyrics)

Et Mullah Ulla wor Feministin jewäs vun
Natur us wor se blond
Ävver us Imagegründen däät se sich
De Hoor färve sick se sechzehn wor

Se hatt freie Journalismus studiert
Zwei Kinderböcher jeschrivve un wor
Jrad an enem jrosse, jesamtdeutsche
Menstruationsroman am recherchiere
Als plötzlich d'r Udai en
Ihr Leben ereinjleitete

D'r Pädajogi hatt fuffzehn Johr
Met Schwererziehbare jearbeit
Dann schwer de Schnauz voll jehatt un
Jetz en Ajentur für Image-Design

Sing Haupkundschaff woren blutjunge
Politikerinnen un Fernsehpfarrer

Hä wor lang un schwer en
Et Ulla verliebt jewäse, ävver sei hät
Ihn immer fadenscheinich affblitze
Loosse hä wor se jrad emotional am verjesse
Als plötzlich d'r Udai en
Sieh Büro ereinflatterte

Et Mullah Ulla wor em siebten
Walhalla d'r Udai wor
D'r Wahnsinn hä hatt en
Haut us karamellisiertem Nappaleder
Wor selbstverständlich jlutäugich un Moslem
Jaaa, dat wor schon jet anderes wie
Su enen Horst us Bottrop

Se däät sich jetz immer öfter
Fröhlingsfarbene Pluute koufe un ophüre
Sich de Hoor ze färve

D'r Pädajogi wor kompetent am zo am
Hüre d'r Udai wor jrenzwertig
Fäädich em Ääpel hä hatt jedaach
Hä hätt sing Traumfrau jefunge
Ävver sick e paar Woche däät se immer en su
Schweinische Klamotte römloufe un sich
De Hoor blond färve

Joot, dat sööch zwar rattescharf us
Wör ävver für ne
Moslem persönlich uninteressant

D'r Pädajogi nohm de Brill aff
Un saat zum Udai, hä mööt sing
Produktphilosophie aufmerksamkeit'swirksamer
Visualisiere usserdäm mööt hä
Met däm Schuss janz
Einfach effektiver kommuniziere

"Aha!" saat d'r Udai, bezahlt' un jing

In Tränen augjelöst kohm et Mullah Ulla
En die Ajentur vum Pädajogi

Se wor komplett verdüstert d'r Udai hatt
Ihr de Hoor affjeschnidde un
Däät se schlare joot, dat kunnt
Se am Eng noch verstonn
Hä wor schliesslich en andere Mentalität
Ävver dat hä die Manuskripte
Für ihre jesamtdeutsche Menstruationsroman
Om Balkon en Luff jesprengk hät
Dat däät se ihm nie verzeihe

D'r Pädajoge kräät Oberwasser
Zufällich hatt hä, als hä noch
Verliebt wor, ohne dat sie et jemerk hät
Kopie vun dä Manuskripte jemaat

Mit einem einfühlsamen Siegerlächeln
Dääte se ihr
Jetz övverreiche se wor final ergriffen

Tja, su kohmen se dann doch noch zesamme
Sei arbeit jetz widder als freie Journalistin
Se es vill in Afrika
Beschneidungsrituale un Diamante
D'r Pädajogi es jetz Hausmann
Se han zwei schwererziehbare Dööchter
Un ene Wellensittich, dä nit spreche kann
Se hann ihn Udai jenannt
De han wirklich Humor hätt ich janit jedaach