Elnarə Xəlilova - Səndən Sonra mahnı sözləri (lyrics)

Bu ayrılıq qoymadi ki, üz gülə
Qara saçlar yerin verdi ağ telə
Xatirələr qəlbi sızladır hələ
Səndən sonra sevə bilmir bu ürək

Gözləməkdən saralıb gözlərim
Qaldı sənə deyiləsi sözlərim
Talehimə həkk olunub izlərin
Səndən sonra sevə bilmir bu ürək

Dincliyini sən ki, mənlə tapardın
Nəyim vardı sən özünlə apardın
Ürəyimin tellərini qopardın
Səndən sonra sevə bilmir bu ürək

Sən ki, yoxsan, həyat zülmət görünür
Yer də, göy də bu zülmətə bürünür
Nə olsun ki, dayanmayıb, döyünür
Səndən sonra sevə bilmir bu ürək

Sənsizlikdə danışmıram, gülmürəm
Kədərimi bir kimsə ilə bölmürəm
Bu nə sirdir heç özüm də bilmirəm
Səndən sonra sevə bilmir bu ürək

Kipriklərim gecə gündüz yaş olur
Bahar çağım payız olur, qış olur
Sənsizliyim ürəyimə daş olur
Səndən sonra sevə bilmir bu ürək

Dincliyini sən ki, mənlə tapardın
Neyim vardı sən özünlə apardın
Ürəyimin tellərini qopardın
Səndən sonra sevə bilmir bu ürək

Sən ki, yoxsan, həyat zülmət görünür
Yer də, göy də bu zülmətə bürünür
Nə olsun ki, dayanmayıb, döyünür
Səndən sonra sevə bilmir bu ürək