Kajto - Ni hisu la velojn lyrics

Subiris jam la luma sun'
La ŝipo laca dormas nun
En la haveno post vojaĝ'
Ripozas nun la ekipaĵ'
Maristoj tra la stratoj vagas
Dum aliaj brandon pagas

Kaj post plezura aventur'
Jen ŝipen ili kantas nur
Ni hisu la velojn,  ĉar blovas la vent'
Finfine ni foriru en ĝusta moment'
Ni kuraĝas forveli, esper' en la kor'
La ŝip' estas preta, ni iru nun for

Post longa nokt' en luna lum'
Kaj tro facila amindum'
La viroj nun kun iluzi'
Dormante pensas nur pri ŝi
Sed frumaten' retrovas sin
Forgesita jam la karulin'
Ĝojigas nur la vent' de l' mar'
Ekkantas jam la maristar'

Ni hisu la velojn, ĉar blovas la vent'
Finfine ni foriru en ĝusta moment'
Ni kuraĝas forveli, esper' en la kor'
La ŝip' estas preta, ni iru nun for

Sur ŝaŭma akvo velas ĝi
Kun vasta maro antaŭ si
Fidinda por la maristar'
Ĝi estas hejmo sen kompar'
Neniu loko sur la ter'
Plibonas kontraŭ la mizer'

Mildiĝas bone akra sent'
Forigas ĝin la mara vent'
Ni hisu la velojn, ĉar blovas la vent'
Finfine ni foriru en ĝusta moment'
Ni kuraĝas forveli, esper' en la kor'
La ŝip' estas preta, ni iru nun for

Ni hisu la velojn, ĉar blovas la vent'
Finfine ni foriru en ĝusta moment'
Ni kuraĝas forveli, esper' en la kor'
La ŝip' estas preta, ni iru nun for