Kasalla - Fleisch un bloot songtext (lyrics)

Bes du stolz op ding Stadt? Oder
Stolz op he dat Land?
Oder kann et sinn, dat du nur jlücklich bes
Dat ding Weeg he stund?

Sach, wofür häss du Angs?
Dat keiner mieh ding Sproch versteht
Dat irjendeiner mem Flochzeuch en
Der Dom rinn flüch?
Jläuvs du dat ech, is dat der Jrund?

Äwwer wenn du ehrlich bess, ejal
Woran Du jläuvs oder nit: Paar
Idiote jitt et överall
Äwwer wat simmer dann ongerm Strich?

Luur uns aan – mer sinn alle
Nur us Fleisch un Bloot
Mer sinn alle nit nur schlääsch un jot
De Maske eraff, Hätz en d'r Hand
All Kaate op dä Desch jelaht
Mer sinn alle nur us Fleisch un Bloot jemaat

Jläuvs du, dat Pro Köln "För Kölle"
Heiß un dat der Räsch hät
Der et Muul opriess?
Ich jläuv janz sicher, et wör
Leichter, sich zo verstonn
Wenn mer all ens de selve Sproch sprich

Stell Dir vür, dat du he jebore bess un dat
He trotzdem nit ding Heimat es
Weil du zwesche de Stöhl sitz
Un immer dat Jeföhl häss
Dat du nirjendwo anjekumme bes

Wenn mer ens ehrlich es:
Vulkomme ungerschiedlich simmer nit

Luur uns aan – mer sinn alle
Nur us Fleisch un Bloot
Mer sinn alle nit nur schlääsch un jot
De Maske eraff, Hätz en d'r Hand
All Kaate op dä Desch jelaht
Mer sinn alle nur us Fleisch un Bloot jemaat

Mer sinn alle nur us Fleisch und Bloot
Alle nit nur Schlääsch un jot
Alle nur aus Fleisch un Bloot jemaat