Lucariello - L'arte della memoria testo (lyrics)

Quanno 'e ricorde ce danno 'a
Forza pe jì annanze ('O ssaje) eh (Ah)
La gente dimentica, Alzheimer
Tu la ragnatela, io Spider
Vent'anni, 'sto rap non scade
Vent'anni sul trono di strade
Me cibo c''o dialetto e
Pe nu pubblico ristretto
Cchiù sport d''e fierre d''a Beretta
Cantate ca state armate
Ca state chine 'e pistole
Ma chi overo sta armato nun
'o dice dint'a 'sti storie
State chine 'e carate, catenе d'oro
Ma site ingrate
V'ate scurdato d''o patе comme 'o zappatore
'O disco d'oro, oh frate
L'ammo fatto 'o stesso
Senza canzone d'ammore, facenno 'o rap
'A sigla 'e Gomorra comme 'a na messa
Sono internazionale comme 'o cafè espresso
Aggio cacciato 'a raggia
'o spuorco lavalo c''o sanghe
Chiagne quanno accide 'o puorco e
Adoppo po' t''o magne
'O rap italiano troppo friddo, troppa famme
L'aggio scarfato, oh frate
C''o cappotto 'e lignamme

'Ncuntrato dint''o carcere d'Airola
Vintun'anne fore, t'hanno fatto fore
Ma tu 'o ssaje ce credo ancora
'A forza 'a trovo dint'a l'arte d''a memoria

Massacro p''e carezze, vatteme c''a bellezza
M'aggio sulo pigliato chello ca nun m'hê dato
Accideme 'e carezze, affuogame c''a bellezza
Me vulive cagnato
Ma guarde addò m'hê lassato
(Ccà dinto è nu manicomio)

'Nsaccio chiedere scusa
Ma nun me metto maje scuorno
Nun è c''a robba 'e
Lusso c'addiviente cchiù ommo
Nun m'arrenno sicuro
Fin a quando nun so' muorto
E si 'a ciorta nun bussa
Ce costruisco na porta
Che ve sbattitte accussì attiggiuse
Je penzo a chilli frate che stanno recluse
Pure je, diec'anne 'int'a nu minorile chiuso
Chesta nun è na serie, è na storia seria
Muccuse
Quali street credibility? È tutto nu bluff
Citazioni di Gomorra per sentirti un re
Le strade parlano di me, di me
Ma la strada non parla, la strada ti spara
Fratè
Aggio cunusciuto 'o santo, 'o senatore
'o boss
E 'o cchiù gruosso è stato fratemo Ezio Bosso
'A gente nun te caga si overo sî forte
Se n'accorge quanno staje vicino â morte
State fatte, ma n'ate fatto maje niente
Stammo adinto c''a famme fino
A dinto 'e diente
Site latte che scade, latte scadente
La mia arte è un diamente, vale pe sempe

'Ncuntrato dint''o carcere d'Airola
Vintun'anne fore, t'hanno fatto fore
Nun v'inganno, ma tu 'o ssaje ce credo ancora
'A forza 'a trovo dint'a l'arte d''a memoria

Massacro p''e carezze, vatteme c''a bellezza
M'aggio sulo pigliato chello ca nun m'hê dato
Accideme 'e carezze, affuogame c''a bellezza
Me vulive cagnato
Ma guarde addò m'hê lassato
(Ccà dinto è nu manicomio)