Panda la 9 - Grostycraut (feat. Belsy) lyrics

L fova n iede n jëunn de Gherdëina
Da uem, meche l ova danz for feter la brea plëina
Lascià de jì a scola, fat la prima sfola
Tl Bemmel de tati che ie jit ora dla cola
Mucià iel bel riesc tla coa de si landa
Ma zënza ciof y cun mascra da Panda
Śën fovel inò sëul, la landa muceda
Finalmënter mpue’ de gheneda
Per tò dezijions che reverdova si daunì
Y cun chi viver si vita da uni di
La ueia de se n jì ti piciova sciche mustlons,
Y nscì fovel muet per l mond, zënza tëma y a varons
A Beistoan, a Mumbai, a Dheli y a Hong Kong
A Bangkok a pië su la codles da pingpong
Ma ntan’ che la sos ju per l tofu regurova
Ti ie tumà ite ciche ti manciova.

Grosti y craut, che sushi ne uei pa plu
Jufa cun smauz, cie ues’a mo deplù ?
Mpede fondue, pan sëch y n go’de bon vin
Nioch da patac, ce bon n cëif ladin

Tres la stredes de Tokyo cun na gran fam
A crì zachei che fej fanziëutes da pan
Ie pa chël śën massa de damandà?
Dajeme ca n taier cun bales da fuià
Pulentina de furmenton y mo mpue’ de crafuncins
Chëi ie pu mé sciche gyōza, ma mpue’ plu ladins
La ula giamëta laveda y cueta
Sculeda, sturzeda y su sun furchëta
Ch’l jëunn ne pensova śën nianca plu al’ëiles
Ajache l se semiova de puessl da mëiles
Si cë fova ribl, nscì ovel for dit
Pulënta me stënta tl diare ovel scrit
Papaciuei ne uei, nia inier y nia ncuei
Y panicia me sgricia ti ovel dit a si nevicia
Co dijo’a for si nevicia?

Grosti y craut, che sushi ne uei pa plu
Jufa cun smauz, cie ues’a mo deplù ?
Mpede fondue, pan sëch y n go’de bon vin
Nioch da patac, ce bon n cëif ladin
Grosti y craut, che sushi ne uei pa plu
Jufa cun smauz, cie ues’a mo deplù ?
Mpede fondue, pan sëch y n go’de bon vin
Nioch da patac, ce bon n cëif ladin