BAP - Stell dir vüür songtext (lyrics)

Stell dir vüür
Du wöhrs em Wald un hätts en Axt bei
Stell dir vüür, ding Frau wöhr och dobei
Stell dir vüür, ’ne Kääl köhm
Jööv ihr Schokolädche
Dä tröök e’ Mezz eruss un
Jing ihr ahn de Bein
Jo, wat däätste dann? Däätste maache, Mann?
Saach mer, wehrste dich? Oder leetste dann
Ding Frau em Stech?

Eeztens nöhm ich mir flöck dat Schokolädche
Zweitens däät ich waade
Bess e’ fäädisch wöhr
Drittens künnt ich enn dä
Zick paar Christbäum schlaare
Viertens köhm ahm Engk do optisch jet bei röm
Fünftens däät ich dann ens ein rauche, Mann
Denn sechstens, suwiesu
Wöhr ich se quitt un dann wöhr ich fruh
Stell dir vüür
Du jings spaziere op der Huhstrooß
Unger dingem Ärm hättste e’ MG
Stell dir vüür, do leef op eimohl einer Amok
Ballert enn de Lück met enem Jewehr
Jo, wat däätste dann? Däätste maache, Mann?
Saach mer, wehrste dich? Oder leetste dann
Die Lück em Stech?

Eeztens jing ich dann flöck
Nohm "Photo Porst" rinn
Für en neu Kassett für ming Polaroid
Zweitens däät ich dann
De "Bild"-Zeidung ahnroofe
Für 'ne Exklusivbericht op Seite Eins
Drittens däät ich dann och ens laade, Mann
Viertens – frank un frei – triff
Einer nit esu vill wie zwei

Stell dir vüür
Du setz doheim enn dingem Jaade
Nevven dir do stünd e’ Flugabwehrjeschütz
Bovven enn der Luff
Do köhm e’ russisch Flugzeuch
Dat will en H-Bomb schmieße
Eh et sich verdröck
Jo, wat däätste dann? Däätste maache, Mann?
Saach mer, wehrste dich? Oder leetste dann
Ding Stadt em Stech?

Ich jläuv
Do däät ich eez e’ Stündche drövver schloofe
Dann reef ich ming Fründe ahn, noh der Reih:
"Saat, Männ, künnt ihr mir ens jraad
Ming Kanon ahnschieve helfe?"
Dann köhm ich he bei dä Kommission vorbei
Kreiswehrersatzamt, dat wööd dann ömjelapp
Un et wöhr vorbei met
Dä affjewichste Froorerei