Co'Sang - Poesia Cruda testo (lyrics)

Yeah 'E frate' mi' scrivono strofe
(Ca nun trovano pace) ca nun trovano pace
E traseno in capa (Fuossera)

Qual è 'o limite che
Divide Marianella cu' Piscinola?
Scimmie 'ncopp''e tubi
Simile 'o modo 'e fà 'e furti
"'Sta vota è l'ultima" ce dice 'o giudice
Ma appena jesce squaglia 'a carta
Svacanta appartamenti sani
Succede chesto 'a nord 'e Napule
Se trasferisce 'int''e residenziali
Chi capisce matarazzi, fieto 'e piscio
M'arritiro, nun ce sta spazio 'O Lu'
Chiudi 'o lucchetto e miette
Pericolo 'int''e cunti
Nun saje a chi incuntri
T'informi quanno scenni 'a
Londra a Caprichino vonno stà contro
Stretto cu' chi dico je


Peppe, O'Iank, Ciccio, Paolo e Junior
Chesta è l'unione
L'Italia gode 'ncopp''o suono 'e
'n episodio nuovo eh sì
Poesia benediciuta d''e bone anime
Datece 'a forza, pecché simmo fragili
Fraceche
Maschere ca annascunneno lacrime umane
Racconto 'e penzieri pesanti sicondo

Te dico "Antò
Chesto è 'o stile mi' e tu 'o ssaje bbuono"
Tornanno 'areto quanno 'o rap era 'o vero
Je tengo ancora mmano chella penna
Addò ancora je spero
'A musica, quann''e debolezze pigliano pere
Crampi 'n capa quanno 'na femmena manca
Quanno nu fierro te fa
Scennere 'a 'int''a machina je penzo a mme
C''o crocifisso 'nganna
Che me arrepara da l'affanno
'e st'anema dannata 'O rap comme documento
L'odio comme 'o meglio sentimento
Senza pentimento e fa' 'e
Bucchini 'e benpensanti
'Sta robba segna 'a dinto
Comm''o disco d''e Co'Sang
Fuossera so 'e cumpagne
'o rione è 'o sfonno d''o quadro
Passanno ll'ore a parlà d''e guardie
Ccà abbascio po' 'e scieme se
Fanno accidere p''e femmene
Je me chiudo 'int''a musica
Comme fosse terapia
Ammore a primma vista je e 'sta poesia

'Sto ffuoco s'avvicina sempe cchiù 'e faccia
Volano 'e scarde e vi appicciate
Se fanno male, vonno fà 'e tuoste
Ma scrivono robba banale
So' penzieri ca scamazzano
Veco facce tagliate e aneme segnate
Costantemente saglieno 'e vigili
Menti squagliate
Piscinola bloccata 'int''o sistema
Ccà 'a terra tremma tutt''e juorne
Spalle che se toccano, incroci ll'uocchie
'E crocchje s'accruocchiano
Fuossera e Co'Sang, 'sti carni parlano
'a chiesa nun accetta
In Nigeria l'AIDS 'e pigl pe' pietto
Pochi anni 'e vita e 'int''a niente cadono
'O lato nuostro cumbatteno
Pe' 'na mappata 'e fogli 'e carta
E quattro piezze 'e fierro
Nome e cugnome 'ncopp''e manifesti co'
Nu sciuscio 'e viento carica 'a penna, Luchè
Concetti 'e chiummo cogliono 'e strisce
Fasci 'e luce 'e 'ste
Stelle che ancora vivono
L'asfalto volle sott''e rote
'e polsi s'abbruciano
'E registi 'e 'sta pellicola nun se fermano
Magnano e fottono senza scrupolo
Ma quanno schiattano?

È poesia cruda
Paura 'int'a l'uommene criature
Mietto l'anema 'int''e dischi
Pecché hai visto
Juorne comm'a chisti addò niente è sicuro
'Na femmena magna e giura
E campa 'int''e suonne
'E n'ommo ca nun l'ha maje toccata
Manco quanno è juorno
Venimmo addò se chiagne e
L'aria fieta 'e sanghe e niente cagna
L'affetto è 'na conquista pe' chi
È figlio 'e nisciuno
Nun esiste muro che chiude 'sta poesia cruda

'O consumismo consuma tutt''e forze
Se fanno 'e corze pe' essere 'e primme
Se cresce sott''e pregiudizi
'E giurnalisti scrivono 'o favezo pe'
'e giuvani 'ncopp''e riviste
Lista 'e strunzate dint''e
Palinsesti arrivano 'a destra e sinistra
Piscinola, nun è tutto sbagliato
Arraggiuno, pigliammo 'o meglio
'a dint''o peggio lontano d''e vizi se suda
'A legge nun se ne cura
Piglia 'na seggia e dimme che hai visto
Avissa purtà giustizia ma si' 'o
Primmo a fà 'a merda
Je nun generalizzo, ma spisso me perdo
E niente ce capisco ammiscanno bene e mmale
Producimmo duje dischi
Rischi e paure 'int''e parol
Crude 'e chist'ommo
'A cronaca 'e tutt''e juorne
Rompe 'o stommaco
Pure se allunghi 'e mane pe' tuccà 'a fortuna
Femmene annure vonno 'e sorde e no l'uommene
Merdille 'ncopp''o Vommero a fà 'e strade
A tredici anni 'o munno è 'o lloro
Mo l'euro costa cchiù d''o dollaro e
Sta 'a famme a ll'uocchie

Già se sente addore 'e l'aria
Nu specchio 'e luce 'nfaccia 'o
Muro addò 'a sentenza cade
Luntano nun se guarda, nun è chiaro
Addò 'o scenario varia 'int'a 'n istante
'Na stretta 'e mano vacante ce
Ha acummannato 'o munno
Addò 'e nennelle fotteno pe'
Robba bianca e fummo veco solo facce stanche
E mentre ll'uocchie chiagneno
Lacrime e sanghe
Storie pesanti e d''o nero cchiù scuro
Danno spunti 'o disappunto e Poesia Cruda
Carte stampate fanno grigi 'e
Culure che ammire
'O russo 'n faccia 'e chi coltiva
E votta botte sotto 'o niro sempe cchiù raro
Chi sente a chi ha guardato
'a dint''o fierro 'o mare
Sape che 'o munno è fetente
Tenta 'o lamiento e chi nun 'o sente cade
Vuttate annanze 'a stimoli
Fotto je a chi fotte 'e singole
Etere e effimero p''o minimo, crideme
Fierre e tarantelle sfonnano 'e cervelle
Piscinola, marchiata a fuoco 'ncoppa 'a pelle

È poesia cruda
Paura 'int'a l'uommene criature
Metto l'anema 'int''e dischi pecché hai visto
Juorne comm'a chisti addò niente è sicuro
'Na femmena magna e giura
E vive 'int''e suonne
'E n'ommo ca nun l'ha maje toccata
Manco quanno è juorno
Venimmo addò se chiagne e
L'aria fieta 'e sanghe e niente cagna
L'affetto è 'na conquista pe' chi
È figlio 'e nisciuno
Nun esiste muro che chiude 'sta poesia cruda