Co'Sang - Povere Mmano testo (lyrics)

Seh, ah chesta va a Sandro 'O Shock
Nisciuno te scorda, fra' povere mmano
Chesto rimmane, fra' ah, ah

Corrono e passano 'e
Canzone 'e vintequatt'ore
Voce stanche parlano 'e chi è caduto
E campa ancora 'int'ê parole
O 'mpietto c''a faccia sott'a nu laccio d'oro
Miseria che regneva ll'uocchie 'a sera
Regneva 'e carte quanne stevo
Sulo ch''e penziere
Appartenevo addò crescevo, 'a casa mia 470
S'ittavano 'e mmane ogni tanto
Scale d''a scola vacante
'E 'sti jurnate rimmane povere mmano
E nun era 'o tiempo d''e facce indecise
Si m'hê 'ntiso 'o ssaje che
'o fuoco jesce d''a vocca
'A doppo che 'e flash
Traseno 'int'a ll'uocchie


Addò stongo je, angele e diavole 'a dinto
L'aria è pulita e 'o nomme
Saglie c''o cuntrario d''a vita
E quante frate c''e frate scumparse
'E vetre rutte e 'o sanghe
Sparso fanno brutto pe nuje
Ma no pe chi se sparte 'e
Parte e tutta 'a vita fuje pensanno a comme
Cercanno 'a dinto nn'trova l'ommo
Tutta esperienza 'mmiezzo a chi vota
'e spalle â cuscienza
S'è perzo 'o cunto d''e dramme
E d''e mamme adolescente
Addò nun scende lacrima ca nun è overo
'E pugne cchiù stritte d''e diente
E niente ce mantene
Amame e damme 'o bene quanno nun m''o merito
Tanno n'aggio bisogno
L'aggio appreso 'int'ê prete e
Nun m''o scordo
Mantengo 'a penna, pe'mmé è na scummessa
'O scuorno è favezo, comm''e prumesse
Ce stesse nu posto, je ce venesse

Nun te commuovere, nun è nu piezzo triste
Chisto è pe salutà chi se n'è iuto giovane
È povere, nun è memoria
'a tuocche ancora cu' 'e mane
T'aiuta p''a vittoria
Scorre 'int'ê cose che faje
Nun te commuovere, nun è nu piezzo triste
Chisto è pe salutà chi se n'è iuto giovane
È povere, nun è memoria
'a tuocche ancora cu' 'e mane
T'aiuta p''a vittoria
Scorre 'int'ê cose che faje

Pe ogni tiro na ruga, nun pò capì chi fuje
L'aria attuorno a nuje se brucia
E Dio è vennuto
Je so' crisciuto piglianno 'a morte pe juoco
N'ato ommo s'addorme lascianno l'ammore
Fuori dê suonne suoje
Cchiù veloce d''e juorne faccio
'e paure saglì lascianno ascì 'sta poesia
Ne voglio n'atu poco
E fore 'a 'st'uocchie tengo nu
Viaggio assurdo dint'agli eccessi
Currevo appriesso a pallune ca mo so' Rolex
Cagnano 'e cose, 'o viento fa vulà 'e lacrime
Persiane s'acalano ma areto
Ll'uocchie te guardano
E 'o rione sape già chi more
E fore pensano ancora che a sbaglià so' loro
Me chiedo si 'e sorde ponno
Stutà 'sta rraggia che tengo
Faccio 'e l'irriverenza na forza e
'e fughe na corsa 'E voglio stise 'nterra cu
Ll'uocchie che tremmano
E annanze ô primmo muorto
Che vedettemo redevemo, ah
Pochi ce credono che st'odio nasce 'a rancore
Pochi ce pensano che st'odio
Cresce 'int'ê scole
E vede 'e figli suoje c''o vuoto
Annanze e 'e figli affianco
Na mano nun vale nu dito
Nu dito vale na mano
Chiammale e vide si sanno
'n carcere comme s'astregneno
Cercanno 'a vita 'int'a na lettera
C'hanno tenuto zitte e bbuone sotto
'o segno d''e croce e mo saccio pecché 'sti
Guaglione nun so' doce

Nun te commuovere, nun è nu piezzo triste
Chisto è pe salutà chi se n'è iuto giovane
È povere, nun è memoria
'a tuocche ancora cu' 'e mane
T'aiuta p''a vittoria
Scorre 'int'ê cose che faje
Nun te commuovere, nun è nu piezzo triste
Chisto è pe salutà chi se n'è iuto giovane
È povere, nun è memoria
'a tuocche ancora ch''e mane
T'aiuta p''a vittoria
Scorre 'int'ê cose che faje

Sandro 'O Shock lamberto
Annalisa francesca
Claudio attilio
Dio ve benedice, guagliù