Estampie - Ahi, amors paroles de (lyrics)

Ahi, Amors, com dure departie
Me convenra faire de la millor
Ki onques fust amee ne servie!
Dieus me ramaint a li par sa douçour
Si voirement ke m'en part a dolor
Las, k'ai je dit? Ja ne m'en part je mie:
Se li cors va servir Nostre Signor
Li cuers remaint del tot en sa baillie

Por li m'en vois sospirant en Surie
Car je ne doi faillir mon Creator:
Ki li faura a cest besoing d'aÏe
Saciés ke il li faura a grignor
Et saicent bien li grant et li menor
Ke la doit on faire chevallerie
Ou on conquierl paradis et honor
Et pris et los, et l'amor de s'amie
Dieus, tant a avons este preus par huiseuse!
Or verra on ki a certes iert preus:
S'irons vengier la honte dolereuse
Don't chascuns doit estre iriés et honteus
Car a no tans est perdusl li Saint Lieus
Ou Dieus soffri por nos mort glorÏeuse
S'or i laissons nos anemis morteus
A tos jors mais iert no vie honteuse