Estampie - Maugréz touz sainz paroles de (lyrics)

Maugréz tous sainz et maugré Dieu aussi
Revient Quenes, et mal soit il vegnans!
Honiz soit il et ses preechemans
Et houniz soit ki de lui ne dit: "Fi"!
Quant Dex verra que ses besoinz ert granz
Il li faudra, car il li a failli

Ne chantez mais, Quenes, je vouz en pri
Car voz chançons ne sont mès avenanz
Or menrez vous honleuse vie ci
Ne vousistez por Oiu morir joianz
Or vous conte on avoec les recreanz
Si remaindroiz avoec vo roi failli
Ja Damediex, qui seurtouz est puissanz
Du roi avant et de vouz n'ait merci!
Mout fu Quenes preus, quant il s'en ala
De sermouner et de gent preechier
Et, quant uns seuz en remanoit deça
I I li disoit et honte et reprouvier
Or est venuz son heu reconchïer
Et est plus orz que quant il s'en ala
Bien poet sa croiz garder et estoier
K'encor l'a il tele k'il l'en porta
Maugréz tous sainz et maugré Dieu aussi
Revient Quenes, et mal soit il vegnans!