La Maschera - Amarcord lyrics

Stevem’ llà, proprio llà sotto ’a statua
Nun puo’ capì a ce penzà quant’è bello
Si sulo ’o tiempo nun fosse passato
Stessem’ ancora a fumà nu speniello
E a nun penzà cchiù a ’e guerre
E a nun penzà cchiù
Penzav’, e ssaje quanti vvote penzavo
Che ’na chitarra cagnava coccos’
Fin quando ajere po’ m’aggio scetato
’A chilli suonne ’arò t’aize sudato

Ah, m’arricord’ ’e te guardann’ ’o mare
E si saglie ’o ccafè pozzo sentì l’addore
Pozzo sentì l’amare ’e ’sta città

Guardann’ ’ncielo ccà nun veco panne
So tutt’ annure chisti vicarielli
For’’e balcune stanno sulo antenne
E je nun saccio cchiù ’a
Gente che tene ’nguoll’
E penzo pure a chill’uocchie tuoje scure
Ormai cunsumat’ pecché hanno chiagnut’
Perdenn’ a uno de’ figlie che parte
Appriess’ a ati mille ca se ne so’ gghiute

Ah, m’arricord’ ’e te guardann’ ’o mare
E si saglie ’o ccafè pozzo sentì l’addore
Pozzo sentì l’amare ’e ’sta città

E intanto mo stong’ fore a ’stu bar
E c’’a chitarra faccio e cuncertine
Pe’ tutte chille ca stanno ’mbriache
E s’arretirano a primma matina
Ce sta chi ha perz’’a salute p’’o vino
Chi invece pecché è malato d’ammore
E po’ ’nce stanno dduje o tre vicchiarielli
Ca ridon’, sonan’ e cantano

Ah, m’arricord’ ’e te guardann’ ’o mare
E si saglie ’o ccafè pozzo sentì l’addore
Pozzo sentì l’amare
Pozzo sentì ’o calore ’e ’sta città