La Maschera - 'O Marenaro lyrics

Tutta ’na vita spesa ’ngopp’’a stessa nave
E mi domando se llà ffor’
’A terra mia se sta muvenn’
Si ’e criature dint’’e piazze
Jòcano ancora a pallone
O hanno perduto ’a fantasia
Annanz’ a ’na televisione

So’ marenaro e passo nove mise all’anno
Dint’’a ’na cabina scura
E nun tengo paura ’e restà sulo
Ma quando ’a notte è fredda
E ce sta ’o maletiempo
Sento che ’a vita mia s’’a
Sta purtanno ’o viento

Ccà sta chiuvenno e m’arreparo senza ’mbrello
Nu poco d’acqua che male ce fa
Dint’’a ’stu mare ca ce ’nfonne
E mmiezz’ all’onne s’annasconne ’a verità

E chistu mare che m’ha salvato d’’a miseria
Che ero sulo nu guaglione
M’ha dato e m’ha levato l’occasione
’E me vedé cuntento comme vulevo je
’Stu mare s’è purtato l’allerìa

E a ogni puort’ me sento cchiù stanco e
Rimango ’int’’o liett’
’A terra me culla e me passa vicino
Nun penz’ ca scengo, nun tengo ’o curaggio
M’addorm’ ’e sto perzo ’int’’o
Mare ’e l’arràggia

Ccà sta chiuvenno e m’arreparo senza ’mbrello
Nu poco d’acqua che male me fa
Dint’’a ’stu mare ca me ’nfonne
E mmiezzo all’onne aggio perduto ’a libertà