Livio Cori - Core senza paura testo (lyrics)

Oi nè, l'ammore che daje nun torna areto
Oi nè
L'aggio visto 'e vevere mentre murevo 'e sete
Si nun so' chillo 'e primma
È perché fino a mo m'hanno dato 'e spalle
Si nun so' chillo 'e primma (Oh, no)
È perché nun 'e riesco cchiù a perdunà

Oh, oh, oh, oh, oi nè
Si quanno allucche, nun te sente nisciuno
Pe jì annanze, oi nè
Ce vò sulo nu core senza paura

Oi nè
A quante 'e lloro ch'ammo perzo p''a via
Oi nè
C'hanno rignuto 'e sacche sulo 'e bucie
Ma nun è comme a primma
Me sto 'mparanno quanno serve a le dà
Mo nun è comme a primma
M'aggi''a scurdà comme se fa a perdunà

Oh, oh, oh, oh, oi nè
Si quanno chiamme, nun risponne nisciuno
'N'è penzà, oi nè
C'e jammo a piglià 'stu munno pure nuje sule

Sfilo 'e lame 'a chistu core che chiagne
Asciutto ch''e mane, lacreme 'e sanghe
Ogne segno nun me fa scurdà niente
Mo m'assetto sulo quanno se magna
A ffianco tengo nu posto vacante
E l'aggio stipato sulo pe'tté

Oi nè
Si quanno chiamme, nun risponne nisciuno
'N'è penzà, oi nè
Ce jammo a piglià 'stu munno pure nuje sule
Oi nè
Si quanno allucche, nun te sente nisciuno
Pe jì annanze, oi nè
Ce vò sulo nu core senza paura oi nè