The Piano Has Been Drinking - Alley Cat Blues songtext (lyrics)

Ringo hängk am Drop un hätt dä Kopp en Jips
Die Baseballschläjer woren ze hatt
Un die Bilderstöckche Kraade
Hann keine Jrund mieh ze wade
Die sin om Wääsch un maachen uns platt

Ringo hängk am Drop un Fränkie määt uns Moot
Un rouch dobei sing zehnte Reval
"Su joot wie die simmer och
Un met nem Püngel Mumm em Buch
Sin mir och ohne Ringo hatt wie Stahl!"
Aha aha ha aha aha

Fränkie schmiess en Fläsch
Jäje en Litfasssäul
Un määt sich sing Reval om Ärm us
Doch hä ziddert vill ze vill
Für Ringo wor dat nur e Spill
Hä saat nur: "Wä nit kann dä muss"

Ävver Ringo hängk am Drop
Un mir hann Droppe an de Häng
Un jeder hätt' am leevste jet vür
Die kleinste Bilderstöckche Kraat
Steht schon an d'r Eck un waat
Die Wanz traut sich söns nie en't Revier

Aha aha ha aha aha

Die Sonn die määt sich stekum
Usem Stroossestöbb
Un Fränkie schött sich Schnaps en sing Wund
Un mieh halv Hätz dat klopp
Un Ringo hängk am Drop un die Wanz es fott
Jlich jeht et rund

Aha aha ha aha aha