The Piano Has Been Drinking - Anfürsich es et Blues songtext (lyrics)

Saach bes du bestuss bes du noch komplett
Ding Kaat hätt mich fass ruiniert
Joot du häs keine Mann ävver ich han en Frau
Jläuvs du die hätt nit lese jeliert

Die es us joodem Huus
Hät met d'r Strooss nix am Hoot
Die triff sich met dä Frau vum Boss
Un wenn dä vun dir hürt
Bin ich Kronprinz jewäs
Ding Kaat hät mich ne Zobel jekoss
Najuut wat koss dä Anwalt
Jeld spillt kein Roll
Zehn Mill? Kei Thema Scheck litt bei
Un ne game boy für dä Blaach
Ne CD-player für dich
Un für dä Mario nüng Milimeter Blei

Jo wie du siehs He es alles nur vum Feinsten
Alles frisch alles fit alles
Nur vun feinster Hand vun feinster Hand

Ich denk off an uns Bud
Drei Daach nur em Bett
Kei Hemb am Hingersch ävver jung un stolz
Un dä Hingerhoffrään hatt jenau dä Sound
Vun brennendem Kamineholz

Statt Dinah Moe Humm un Trips en Amsterdam
Jiddet jetz Jolf en Kitzbühl met all dä Köpp
Un dann ovends op nett salätche beim Boss
Däm singer Frau un ihrem fädije Möpp

He willsde wisse wie et wirklick es
Jeld spillt kein Roll nä nä
Ävver ich brööt dringend Zick
Zick für mich selvs
Weisde wat ich schick dir jede Woch zehn Mill
Weisde wat du schicks mir jede
Woch e Tütche Stunde
He ich waade op en Meldung
Zwische Vollmond un Meddernaach
Jo wie du siehs He es alles nur vum Feinsten
Alles frisch alles fit alles
Nur vun feinster Hand vun feinster Hand
Anfürsich es et Blues