Voodoo Jürgens - Eislaufplotz songtext (lyrics)

Saumstog – Eislaufplotz, Pflichttermin
I bin immer glei volee von da Hockn hin
Do wor unsa Partie meinstens scho durt
Da Hoastl,  die Skukalec-Zwilling
Du, i und a por andere Figurn
Owa wort amoi laungsam, Ollas von vuan

Du host domois ghobt so
A schwoaze Naf Naf-Jackn
Und rosane Schuachbandln in
De weissn Eislaufschuach
Und i hob ghobt de Bauer Eishockeybock
Mit de neongrünen, de worn leiwaund
De hot sunst kana ghobt
Du worst damois mim Hoastl zsaumm
Des waß i no
Weil es sads dauernd zsaummpickt
I was ned, obs das aufgfolln is
Owa i hob mas damois a scho auf di spitzt

Irgendwaunn host du mim Hoastl gstrittn
Da Hoast hot si mit ane
Von de Skukalec geschlichn
Aubrotn hob i di net, a Mödung hob i gschobn
I hob zu dir gsagt: "Vagiss den Vogl!"

Daunn homma Runde draht und Handal ghoidn
I hob di auf a Tigermüch beim Buffet einglodn
Kaunnst di no erinnan aun
Die oide vom Buffet?
Ja, die wor imma leiwand
Waumma ka Göd eisteckn ghobt haum
Hots uns hoit eiglodn

An dem Tog is auf a
Moi da Hoastl wieda auftaucht
Den Vogl hamma grod no braucht
I hob ma docht der Hund schlitzt mi auf
Wias Butterfly aus da Toschn aussezaht hod

Du dazwischn gaungan
"Hoastl, hea auf, es nix gwesn-
Derf i mit an Hawara bei da Bande stehn?
Na, wer hat sich gschlichn? Na ich nicht
Was hastn gmacht mit da Skukalec?
Habts ordntlich gfickt?"

I man, i hätt scho mit erm graft
Waunn du ned dazwischen gaungan warst
Hehe, sicher hätte i mit erm graft
Ihr hobts eich jo geschlichn
Und i bin dogstaundn
Wie a Maikäfer waunns blitzt
Owa des ane mecht i da scho sogn
Ane von die Skukalec hätt sis
E auf mi gpsitzt hätt sis e auf mi gpsitzt
Hätt sis e auf mi gpsitzt
Hätt sis e auf mi gpsitzt
Hätt sis e auf mi gpsitzt