Wolfgang Niedecken - Zwei Päädskööp ahm Nümaat songtext (lyrics)
[Wolfgang Niedecken - Zwei Päädskööp ahm Nümaat songtext lyrics]
"Oh, Mengis, nemm dä Ring zoröck
Dä schwazze Vuel kütt
Un lääv dieh Lääve ohne mich
wenn't jeht verjess mich nit
Halv Kölle stirv, die Pest schläät zo
Met mir jeht et ahn’t Engk
En andre weed dich tröste
Ein die dir och Kinder schenk"
Noch eimol lächelt sie en ahn
Trotz all dä Quälerei
Bess koot dodropp dä Doktor säät: "Se's duut
Et ess vorbei"
Dä Witwer - unger Träne - schwört:
"Dä Ring, dä blieht bei dir
Domet'e mich ahm jünxte Daach heim
En ding Ärme führt
Em Dunkle zeich’e mir dä Wääsch
Ejal wo du dann bess
Dä funkelt, bess ich bei dir benn
Liebe's stärker als Pest"
Dä Duudejrävver höllt se aff
Dä Kirchhoff ess nit wigg ne Steinwurf nur
Weil St aposteln treck ahm Nümaat litt
Dä Pastur sähnt Richmodis
Doch dä Deckel bleeht noch op
"Eez wenn die Sonn opjeht", heeß et
"weed dä Sarsch zojeklopp"
Wat dämm Duudejrävver zopass kohm
Dä hatt dä Ring jesinn
Weshalv'e en dä Jeisterstund noch
Ens nohm Kirchhoff jing
Doch wie'e ahn dämm Klunker trook
"weil ne Duude nix mieh bruch"
Schleet Richmodis die Aure op
Schon woor'e op der Flucht
"Oh, Mengis", daach se
"wie flöck wünschs du mich unger dä Ääd?
Ich hann doch nur jeschloofe"
Bess se dä Ring spüre däät
Wat dat heeß, woor ihr direk kloor
Nix wie russ uss dä Kess
Un nix wie heim, de Eck erömm
Vun wääje "duut" un "Pest"! Eez hösch
Dann immer lauter reef se:
"Maat die Huusdüür op
Ich benn et, et Richmodis, loot mich rinn
Loot mich eropp!"
"Wer riehß do ene schlääschte Wetz?
Wer kann su häzzlos sinn?"
Reef Mengis "Eh Richmodis lääv
Klemme zwei Pääd dohin
Wo unser Huus ahm hühxte ess, bovven huh
Unger't Daach
Un strecke ihr Köpp durch die Luuk
Jetz medden en der Naach" su kohm et
Wie et kumme moht: Die Wendeltrepp eropp
Leefe em nähxte Aurebleck zwei
Schimmel em Jalopp
Deshalv: Wenn du om Nümaat stehß
Op Bahn oder Bus waats
Jrööß mir dä Turm met dä
Zwei Päädsköpp en dä Siggejass
Ejal wievill vun dä
Story erfunge, phantasiert, dozojereimp
En all dä Johre'n nohwiesbar passiert
Dä Mengis hatt letzendlich rääsch
Un eins steht sickdämm fess:
Dat wohre Liebe Wunder wirk
Sujar jäje die Pest
Dä Mengis hatt letzendlich rääsch
Un eins steht sickdämm fess:
Dat wohre Liebe Wunder wirk
Sujar jäje die Pest
Dä schwazze Vuel kütt
Un lääv dieh Lääve ohne mich
wenn't jeht verjess mich nit
Halv Kölle stirv, die Pest schläät zo
Met mir jeht et ahn’t Engk
En andre weed dich tröste
Ein die dir och Kinder schenk"
Noch eimol lächelt sie en ahn
Trotz all dä Quälerei
Bess koot dodropp dä Doktor säät: "Se's duut
Et ess vorbei"
Dä Witwer - unger Träne - schwört:
"Dä Ring, dä blieht bei dir
Domet'e mich ahm jünxte Daach heim
En ding Ärme führt
Em Dunkle zeich’e mir dä Wääsch
Ejal wo du dann bess
Dä funkelt, bess ich bei dir benn
Liebe's stärker als Pest"
Dä Duudejrävver höllt se aff
Dä Kirchhoff ess nit wigg ne Steinwurf nur
Weil St aposteln treck ahm Nümaat litt
Dä Pastur sähnt Richmodis
Doch dä Deckel bleeht noch op
"Eez wenn die Sonn opjeht", heeß et
"weed dä Sarsch zojeklopp"
Wat dämm Duudejrävver zopass kohm
Dä hatt dä Ring jesinn
Weshalv'e en dä Jeisterstund noch
Ens nohm Kirchhoff jing
Doch wie'e ahn dämm Klunker trook
"weil ne Duude nix mieh bruch"
Schleet Richmodis die Aure op
Schon woor'e op der Flucht
"Oh, Mengis", daach se
"wie flöck wünschs du mich unger dä Ääd?
Ich hann doch nur jeschloofe"
Bess se dä Ring spüre däät
Wat dat heeß, woor ihr direk kloor
Nix wie russ uss dä Kess
Un nix wie heim, de Eck erömm
Vun wääje "duut" un "Pest"! Eez hösch
Dann immer lauter reef se:
"Maat die Huusdüür op
Ich benn et, et Richmodis, loot mich rinn
Loot mich eropp!"
"Wer riehß do ene schlääschte Wetz?
Wer kann su häzzlos sinn?"
Reef Mengis "Eh Richmodis lääv
Klemme zwei Pääd dohin
Wo unser Huus ahm hühxte ess, bovven huh
Unger't Daach
Un strecke ihr Köpp durch die Luuk
Jetz medden en der Naach" su kohm et
Wie et kumme moht: Die Wendeltrepp eropp
Leefe em nähxte Aurebleck zwei
Schimmel em Jalopp
Deshalv: Wenn du om Nümaat stehß
Op Bahn oder Bus waats
Jrööß mir dä Turm met dä
Zwei Päädsköpp en dä Siggejass
Ejal wievill vun dä
Story erfunge, phantasiert, dozojereimp
En all dä Johre'n nohwiesbar passiert
Dä Mengis hatt letzendlich rääsch
Un eins steht sickdämm fess:
Dat wohre Liebe Wunder wirk
Sujar jäje die Pest
Dä Mengis hatt letzendlich rääsch
Un eins steht sickdämm fess:
Dat wohre Liebe Wunder wirk
Sujar jäje die Pest