Gerd Köster - Barfooss durch die Naach songtext (lyrics)

Stroosseleech us die Sonn jeht op
Nit jeder hätt se dröm jefrooch

Dä blutjunge Daach us Glas wie du
Beim letzte Mol wie ich dich sooch

En lautlose Ahnung kloss em Hals
Dann hoot ich nur et wör passiert
Letzte Woch häs dir für jede Schatte
Vum Räänboge de Sohle affjerannt

Barfooss durch die Naach
Ewige Held für eine Daach
Barfooss durch die Naach
Bes us däm Fiebertraum vun Lääve opjewaach

Stroosseleech an vürhäng vür
Schwer op dr Goldwooch jedes Wort

En heimlich Stimm en mingem Ohr
Wör mer nit - hätte mer doch
Dann wör hä noch

Doch künne Engel schloofe
Wenn dä Düvel alle Kääze brenne lööt

Barfooss durch die Naach
Ewige Held für eine Daach
Barfooss durch die Naach
Bes us däm Fiebertraum vun Lääve opjewaach

Wie künne Engel schloofe
Wenn dä Düvel alle Kääze brenne lööt
Barfooss durch die Naach
Ewige Held für eine Daach
Barfooss durch die Naach
Häs Rotz un Wasser jelaach
Gradus durch die Naach
Stunds zwische zwei Füür ungerm Daach
Barfooss durch die Naach
Bes us däm Fiebertraum vun Lääve opjewaach