Köster , Hocker - Em Fejefeuer ungerm Fluss lyrics

Do stommer janz brav he vür dingem Jrav
Dat du su plötzlich jingks
Hammer koum jeraaf herr Pator Neu
Käut singe Käu dä hät dich zwar nit jekannt
De Houpsaach Schuld un Reu

Du hätts leever he en Sessions
Un en Party vun Format
Un jeder he dä weiss dat och
Ävver et weed jo nie jemaat
Do jangk schon ens vür un prüf et Revier
Mer sinn uns em Fejefeuer ungerm Fluss
Ich bliev noch jet do ich kumme dann noh
En et Fejefeuer ungerm Fluss

Do stommer janz höösch
Keiner su wie hä möösch
Un dinge ahle Bassist
Luurt dauernd op de Uhr un vörre ding Frau
Em Ärm dä Wau Wau
Die weiss noch winnijer vun dir
Als d'r Herr Pastur

Saach stell der vür du liss do unge
Un et es verdächtich still
Un alles määt op tieftodtrüb
Usser ich ich han en Sonnebrill

Do jangk schon ens vür un prüf et Revier
Mer sinn uns em Fejefeuer ungerm Fluss
Ich bliev noch jet do ich kumme dann noh
En et Fejefeuer ungerm Fluss äh pass op
Do es noch ein Saach ich weiss
Nit ov dat dä richtije Zeitpunk
Es für dat ze thematisiere ävver ich krijje
Doch noch ene Hunni vun dir
Du weiss Bescheid: Mau Mau tja
Wat maache mer do jetz
Ich kann jo jetz schlääch ding
Frau wäje einem Hunni

Moment do fällt mer en dä Will die Spinn
Dä kridderer vun mir noch zwei
Dann jissde ihm dä Eine
Un wenn ich do bin mische mer neu

Nu loss doch jonn un jangk schon ens vür
Jenooch Explizier
Mer sinn uns em Fejefeuer ungerm Fluss
Ich bliev noch jet he he bei dinger Witwe
Un jrööss mer et Fejefeuer ungerm Fluss
Mer sinn uns em Fejefeuer ungerm Fluss