Köster , Hocker - Dä Boum vum letzte Johr lyrics

Dä Tanneboum es opjestellt
Et es schön wärm he em Lokal
Et Dröppche läuf am Glas eraff
Jo dä Büb zapp optimal

Us dä Küch vun hingendurch
E Wölkche Kardamon un Zimp
Ich saach zum Büb: "Et rüch wie doheim"
Un ich weiß dat dat janit mieh stimp

Hür die Glock, die lügg janz allein für mich
Zum allereezte Chrissfess ohne dich
Prost Annelies do wo du bes do es et schön
Do jiddet kein Ping keine fiese Traatsch
Kein Knöllche keine Knaatsch

Un op dieh Wohl Annelies
He us däm Dröppche kniep ding Siel
Un em Kamin knistert höösch un klor
Dä Boum vum letzte Johr

Dä Mantel ahn noch e Kölsch em stonn
Em TV kütt jetz et Quizz
Du kanns dir janit vürstelle
Wie ich ding Knütterei vermiss

De Lück sin wirklich nett zu mir
Se frore jeden Daach
Dat es manchmol e besje vill
Su joot et och jemeint sin maach

Schlooft joot ihr Lück ich bin
Hück fröh durch de Düür
Weil ich han morje noch jet vür

Prost Annelies do wo du bes do es et schön
Do jiddet kein Ping keine fiese Traatsch
Kein Knöllche keine Knaatsch
Un op dieh Wohl Annelies
He us däm Dröppche kniep ding Siel
Un em Kamin knistert höösch un klor
Dä Boum vum letzte Johr