Köster , Hocker - Drei Cool Fätze lyrics

Drei cool Fätze drei cool Fätze
Schlabberbotze en nem Cabrio
Pressluffhammer usem Radio
Se halden sich per se für en scharfe Show
He die drei cool Fätze

Drei cool Schöss drei cool Schöss
Hüftjeans feddere de Strooß erop
Lötsche an nem Flachmännche Alco-Pop
Un drei cool Fätze kumme super drop
Op die drei cool Schöss
Us steich dä eezte Fätz un säät:
"Boooooooah seht ihr dat selve wie ich?"
"Ich nemm dat Barocke" - "Un
Ich dat met dä Locke"
"Hey, loot noch ein övvrich für mich!"

Drei cool Schöss drei cool Schöss
Se sochen us wie Engel vun nem andre Stään
Un drei cool Fätze hatten Engel su jään
Doch drei cool Schöss mahten Jecke em Rään
Us dä drei cool Fätze
Drei cool Schöss - Jecke em Rään
Drei super-coole Fätze jecke em Rään

Wie kutt dat passiere wat meenste Frank
Een vun de drei cool
Schöss wor Japanerin jewääs
Die coole Fätze hückzedaach han doch
Alle japanische Tattoos am Liev
He, ävver se künne jarkei Japanisch
Ävver der Tätowierer kann Japanisch
Ich kenne de Mann, de hät ene joode Humor

Dä eezte coole Fätz wullt op
Dä Ärm tätowiert han:
"Lautlos schleichender Panther"
Un hä kräht drop: "Milchfleck auf roter Hose"
Tja, dä zweite coole Fätz wullt über
Der rechten Heckwange tätowiert han:
"Mondsüchtiger Tiger"
Un hä kräht drop: "Ich bin so hetero
Ich kann sogar stricken"
Dä dritte wor e bessje cleverer jewäs
Hä hätt sich nämlich ene
Schnäuzer tätowiere losse
Dat hät em och nix jenütz
Denn die drei Schöss stunde nämlich suwiesu
Op de Türsteher zwei Ecke wigger
Weil dä hat nämlich ene joode alte
Anker tätowiert - als Schnäuzer
Wesst ihr wat, Jonge
Ich däät üch ja jähn ene Rootschlach jevve
Ävver et jitt ävver keene, nä nä nä nä

Et jitt nur drei cool Fätze im Rään
Drei cool Fätze im Rään
Drei cool Fätze im Rään drei cool Schöss