Plüsch - Zieht Mi Mit songtext (lyrics)

Di wiise vorhäng wärde gälb mit der zyt und
I ha ds gfüel die louf mir
Dervo mi hamschter i sim loufrad het ds
Gliche problem win i är louft und
Louft u chunnt glich nie vom fläck jagt
Wi i irgend öppisem na doch im
Gägesatz zu mir isch är scho zfride derby
Und i dräie mi im kreis, verloufe mi
Drin u chume geng am gliche
Ort verby u i loufe
Umenand, wi imnä grosse labyrinth
U glich‘s isch anders
Anders als s’isch gsy und i
Luege dä im spiegel a
Frage mi was i mit ihm gmeinsam ha
Im hintergrund louft d uhr u di
Ganzi zyt u zieht mi mit, u zieht
Mi mit… so wi nes uhrwärch
Guet gschmiert u g‘ölt u i als zahnrad
Irgendwo geit tag für tag u
Nacht um nacht verby u i stelle mer d‘ frag
Wies äch wär ohni mi ob äch d‘
Uhr chliner würd we i nid wär woni bi
Oder würde äch die andere zahnräder chli
Grösser sy wo i no blauöigig u unbefange jede
Tag ha gnosse u dür ds läbe bi
Gsprunge i kere nacht ke gedanke a morn ha
Gha hätt i nie dänkt das mal
Die zyt wird cho wo i nächtelang kes
Oug cha zuetue wöll i mir der
Chopf zerbriche über das wo morn chönnti sy
Und de dräi mi im kreis
Verloufe mi drin u chume
Geng am gliche ort verby u i loufe umenand
Wi imne grosse labyrinth u glich ‘s isch
Plötzlech anders, roti hüser si gälb u gälbi
Si rot u glich ‘s isch anders
Anders als s’isch gsy