Züri West - Ohni di songtext (lyrics)

[Züri West - Ohni di songtext lyrics]

I chume nid ganz drus
Du schpannsch mr mini Frou us u
Jitz grännisch hie vor mire Tür
Sie sig dr am verleide
Wosch mr jitz e Garantieschiin zeige oder
Was chunnsch usgrächnet zu mir
Gäu du hesch gmeint es wärdi easy
Nume luege öb sie aabiissi
Chli am Gras schmöcke änet em Hag
U jitz laat sie di nümm la schnuufe
Sie hautet nid sehr viu vo iigroove
We sie einisch ja het gseit
De wott sie's jede Tag
Sie laat di nid la sii
Telefoniert dr pouselos u we d'nid abnimmsch
Schteit sie vor dr Tür

U we d'nid da bisch suecht sie überau
Ir Beiz - im Büro - uf dr Bouschteu
U we d'se fragsch wieso
Seit sie sie hauti's eifach nümmeh us
Ohni di - ohni di

Gäng denn we d'wosch allei sii wett
Sie gärn mit dir schmuse
U we du dini Zitig liesisch redt sie pouselos
U we d'es ungradsmau nid masch daheim sii
Wott sie gäng o grad use
Sie chunnt mit I Üebigsruum u sie
Chunnt mit I ds Stadion
U we sie mau nid bi dr
Isch telefoniert sie Tag u Nacht
U we d'nid abnimmsch schteit sie vor dr Tür

U we d'nid da bisch suecht sie überau
Ir Beiz - im Büro - uf dr Bouschteu
U we d'se fragsch wieso
Seit sie sie hauti's eifach nümmeh us
Ohni di - ohni di

Gäu jitz bisch fix u fertig
I weiss du wosch se nümm meh
Un'i weiss du weisch nume nid wie
Mach's eifach so wien'i's ha gmacht
Mach aues für sie wo sie für di macht
U bis lieb u zärtlech u geduldig u häb Charme
Telefonier - schick'ere Faxe
U red über dini Gfüeu u frag se
Öb sie nume haub so glücklech
Sig wie du bisch nimm se I Arm
Gib'ere ds Gfüeu du wöusch se meh
Aus sie di je chönnt wöue
Säg du wöuisch se für immer
U du heigsch dr's überleit
U hürat se im nächschte Früehlig
Un'i dänke dass sie auerschpätischtens
Im übernächschte geit

Dolmetschen für


Interpretation hinzufügen

Erweiterte Interpretation hinzufügen

Wenn sie wissen, wovon der Künstler singt, wissen, wie man «zwischen den zeilen» liest und die geschichte des songs kennt, können Sie eine Interpretation des textes hinzufügen. Nach der überprüfung durch unsere redakteure werden wir es als offizielle interpretation des songs hinzufügen!

Zuletzt hinzugefügte Interpretationen von Texten

A B C D E F G H I J K L M N O P Q R S T U V W X Y Z #
Interpretieren