Der Nino aus Wien - In der Hütte vor dem Haus songtext (lyrics)

Do in dera Hitten vur mein Haus
Hob i ollas einegramt wos i nimma brauch
Die oiden Büda vo die Großöltern no
Die hinnige Schi und des Gschirr
Aus die Siebzger Joahr
Jo in die Hitten vur mein Haus
Geh i monchmoi eine waun i irgendwas brauch
I sogs eich, wos ma do ois finden kaun
Wauns die Nochbarn wissn dedn warad
I scho längst im Bau

Jo jo jo jo der mit seiner Hitten
Der mit seiner Hitten vur sein Haus
Jo jo jo jo i mit meiner Hitten do
I mit meiner Hitten vur mein Haus

Es is a so vü aun Klumpat dabei
Und mei neiches Fichtenmoped passt
Auf des Klumpat auf
Mit dem moch i ganz gern an Lärm
Und zaseg es Hoiz damit auf dass
I no a Hitten bau
Jo in der Hitten vur mein Haus
Findst die ärgsten Sochen
Des hob i jo scho amoi gsogt
I wü wirklich ned ins Detail gehn
I vertrau da eh aber irgendwie a ned

Jo jo jo jo du mit deiner Hitten
Du mit deiner Hitten vur dein Haus
Jo jo jo jo i mit meiner Hitten do
Mit meiner Hitten vur mein Haus

Und waun die Nocht sie einegeistert
Und die gonzen oiden Zeiten
Auf die Hoizwaund projeziert
Da kumt da Vota zruck aus'm Kriag
Und die Urli bereitet ma an Sterz
Dann kumt mei oide Überzeigung von fria
Und sogt wos mochst'n herst

Waunst gscheit blieben warst
Waratst glicklich vielleicht
Oba jetz bist as nedamoi ansatzweis

Do in dera Hitten vur mein Haus
Na es reicht ma ehrlich woar
I zind die Hitten aun
Is jo eh ollas nix wert
Und a poar Beweismittel zastean
Warat a ned vakehrt

Jo jo jo jo der in seiner Hitten
Der in seiner Hitten vur sein Haus
Jo jo jo jo i in meiner Hitten do
In meiner Hitten vur mein Haus