TheRivati - Bataclan testo (lyrics)

Aggio appicciato ‘a televisione
Pecché m’hanno ditto "Sta ‘na nuvità"
Aggio truvato ‘na sfaccimma ‘e situazione
E manco ‘o Papa mo’ ‘a po’ accuncià
So’ asciuto ‘e capa tutti quanti
Nun puo’ capì se so’ scetate a tante
‘e loro dint’‘a nuttata
E so’ venute a nnome ‘e Dio
Me so’ affacciato fore ‘o balcone
È tutto uguale a comme n’ora fa
Ma bello e buono m’è arrivata n’illuminazione
E l’aggia dicere a l’umanità
Cu’ ‘na bandiera annanze ‘a faccia
Io faccio ‘o mio
Ma intanto sparano ‘e kalash
‘Ncuollo a ‘sti guagliune
Alluccanno ‘o nomme ‘e Dio

Però, mo che vuo’? Tu viene a casa mia
Dinto ‘a televisione, oh? E po’ pecché?
‘E che te lamiente?
Ma che succede ‘ncopp’‘a Terra?
Dimmello tu si chesta è guerra?
Ma che succede ‘ncopp’‘a Terra? Dimmello tu

Aggio stutato ‘a televisione
E m’è venuta ‘na curiosità
Pecché ‘sta gente piglia e vene fino a ccà?
Qual è ‘a ragione, qual è ‘a verità?
Cu’ nu giurnale sotto ‘o braccio
E mo voglio capì
Ma intanto cadeno ‘e ‘spitale
Morene ‘e criature
Tutto sotto l’uocchie ‘e Dio

Però, mo che vuo’? Tu viene a casa mia
Dinto ‘a televisione, oh? E po’ pecché?
‘E che te lamiente?
Ma che succede ‘ncopp’‘a Terra?
Dimmello tu si chesta è guerra?
Ma che succede ‘ncopp’‘a Terra? Dimmello tu