Tommaso Primo - Caramella testo (lyrics)

E arrivarranno a iosa cu ll’anema scurnosa
A manto d’acqua, comme ’a cardelline
Capille a filigrana
Uocchie d’oro e ‘na parlata fina
Angeli e cherubini te diciarranno cose
Fra petali ‘e mimose
"Addò vulite stà, oi signurina?"
E tu rispunnarraje
"‘Ngopp'a ‘na stella ‘nzieme ‘e canarine
Ca vonno a mme vicino"

Ue, Carame' si ‘o munno avota e ggira
L’acqua e sapone
Ce serve pe’ sciacquà 'sti vocche
Ca sanne ‘e fuoco e nun teneno ‘e che parlà

E sagliaranno a galla
Cu' ‘e scelle d''e farfalle
Balene fatte ’e zucchero filato
E nuoterete insieme dint'a ‘nu
Mare fatto ’e ciucculata fra isole ‘nventate
E po’ n'arcobaleno ca unisce terra e cielo
‘A "panza" sotto piglia ‘a
Forma 'e ‘nu surriso e tu, anima bella
Te ne accuorge e faje lucente ‘o viso
E vire 'o Paraviso

Ue, Carame' si ‘o munno avota e ggira
L’ago e ‘o cuttone
Ce serve pe' fermà 'sti suonne
Ca bell''e bbuono
'A dint''e mmane ponno vulà

Fravole, mirtille e lamponi
Rendono cchiù doce ‘a goccia ‘e limone
Ca cade ‘ngopp''o core all’ora 'e cafè
Tutte chelli vvote ca penzo a tte
Fili ‘e liquirizia a tracollo
Briciole ‘e biscotti c''a pasta frolla
E quanno vene sera dico "pecché?"
Passa n'atu juorno e nun staje cu' mme
Carame'