Tommaso Primo - Viola testo (lyrics)

Viola perla janca d''e Tribunali
Uocchie de diamante Cartier
Viola suonne antico d''e criminale
Doce comme ’a pasta ‘e bignè
Scenne pe’ Quartieri con le sue "Best"
Fuma tutte ‘e sere Maria
Balla ‘ngoppe 'e tavoli a tutte ’e feste
Sciore bello d''a terra mia
Sciore bello d''a terra mia

E comme ‘o pappece e ‘a noce
Je primma o poi m''a sposo
Primma o poi m''a sposo
E comme ‘o pappece e ‘a noce
Je primma o poi m''a sposo
Primma o poi m''a sposo

E torna tutte ’e vvote ‘e cinque ‘a matina
Da ‘nu tremilacciento coupè
Aropp’ a 'na nuttata Mojito e vvino
A spese ‘e buffuncielli e lacchè
'A cercano ‘e chiattilli p''a dà doje vase
Quando teneno genio ‘e parià
Ma po’ nisciuno ‘e lloro 'a presenta a casa
"Nun sia maje 'o ssape mammà
Nun sia maje ‘o ssape mammà…"

E comme ‘o pappece e ‘a noce
Je primma o poi m''a sposo
Primma o poi m''a sposo
E comme ‘o pappece e ‘a noce
Je primma o poi m''a sposo
Primma o poi m''a sposo

E sagliarranne 'a mare, piovre e piscicane
'Ricchine fatte d’oro, cunchiglie pe’ cullana
E diciarranne "Omaggi a vuje
Oje signurina bella
Ca tenite ‘e schiocche rosse
Comme ‘e ‘cceraselle"
E ballarranno a core a core
‘e boss cu' 'e pentite
E cantarranno po' canzoni 'e
Storie 'e malavita cu ll’aria ‘e chi nunn’ha
Saputo maje ‘a malinconia
Crisciuto tutt''a vita a ppane 'e guapparia
A 'ppane ‘e guapparia

Viola 'e chist’ammore nunn''o ssapeva
Picciò je le vulevo parlà
E mentre anema e curaggio ‘e grare scennevo
Sentette ‘na sirena ‘e sunà
Alluccano ‘e vajasse dint''o rione
Sputanno jastemmano a Dio
Comm''a ciento sciacalli ‘e televisioni
Ripigliavano a Viola mia
Cu' 'e manette d''a polizia

E mò so' cchiù 'e tre mmise ca sta ‘ngalera
Pe’ meza 'e chi cumpagno nunn'è
Ca le mettette ‘nguollo annascuse e allero
Rroba ca 'nguollo n’aveva tenè
Nunn''a cerca cchiù nisciuno 'e figli 'e papà
Picciò se tene stretta 'o dulore
Ca è ‘o metro cchiù sincero pe’ valutà
Quanto vale overo l’ammore
Quanto vale overo l’ammore

E comme ‘o pappece e ‘a noce
Je primma o poi m''a sposo
Primma o poi m''a sposo
E comme ‘o pappece e ‘a noce
Je primma o poi m''a sposo
Primma o poi m''a sposo

E sagliarranne 'a mare, piovre e piscicane
'Ricchine fatte d’oro, cunchiglie pe’ cullana
E diciarranne "Omaggi a vuje
Oje signurina bella
Ca tenite ‘e schiocche rosse
Comme ‘e ‘cceraselle"
E ballarranno a core a core
‘e boss cu' 'e pentite
E cantarranno po' canzoni 'e
Storie 'e malavita cu ll’aria ‘e chi nunn’ha
Saputo maje ‘a malinconia
Crisciuto tutt''a vita a ppane 'e guapparia
A 'ppane ‘e guapparia