Fabrizio De André - Mègu Megùn testo (lyrics)

E mi e mi e mi e anâ anâ
E a l’aia sciurtî e suâ suâ
E ou coêu ou coêu ou coêu da rebellâ
Fin a piggâ piggâ ou trén ou trén

E ’nta galleria génte ’a l’íntra au scûu
Sciórte amarutía loêugu de ‘n spesiá
E ‘ntu stréitu t’aguéitan
Te dumándan chi t’è a sustánsa e ou mesté
Che pe’ liatri ou viaggiá ou nu l’é
Poi te túcca ‘n purté lepegúsu
E ‘na stánsia lûvega e ‘nte l’âtra stánsia
Ê bagásce a dâ ou menû
E ti cu ‘na quâe che nu ti voêu
A tiâ ‘a Bibbia ‘nta miágia
Serrâ a ciàve ánche ou barcún
E aresentíte súrvia ou coêu

Uh mégu mégu mégu mè megún
Uh chin-a chin-a zû da ou caragún

‘Na caréga dûa nésciu de ‘n turtà
‘na fainà ch’a sûa e a ghe manca‘a sâ
Tûtti sûssa résca da ou xattá in zû
Se ti gíi ‘a tèsta ti te véddi ou cû
E a stâ foêa gu’è ou repentin
Ch’a te túcche ‘na pasciún
Pe ‘na fàccia da Madònna
Ch’a a te spósta ou ghirindún
Ûn amú mai in esclusiva
Sémpre cun quarcósa da pagâ
Na scignurín-a che súttu â cúa
A gh’a ou gárbu da scignúa

Uh mégu mégu mégu mè megún
Uh chin-a chin-a zû da ou caregún

Uh! che belin de ‘n nólu che ti me faiésci fâ
Uh! ch’a sún de piggiâ de
L’aia se va a l’uspià

E mi e mi e mi nu anâ nu anâ
Stâ chi stâ chi stâ chi durmî durmî
E mi e mi e mi nu anâ nu anâ
Stâ chi stâ chi stâ chi asûnáme

Uh mégu mégu mégu mè megún
Uh chin-a chin-a zû da ou caregún
Uh mégu mégu mégu mè megún
Uh chin-a chin-a zû da ou caregún