BadClause Music, Mübariz Mamedov - Nahaq-haqq mahnı sözləri (lyrics)

Dəniz, sən özün bilirdin ki
Yarım aldı sevgi özgə payından
Dekabrım qara-qura, xatirəmdir yanvar ayından
Mən eşqimin vəziri,  xilafətim vicdan hayında
Dedilər dilbərim gəlib
Qonağdır şah sarayında

O qüsursuz mələkdir, xasiyyəti eybi qatır
Oğuz elində gözəl saxlamışdı igidin atın
O elə bir qəzəldir ki, görən şair qələmi atır
Mən onun haqda yazmışam
Deyə sevilir şeiriyyatım

Miri, aldatma özünü, dilbər, yar deyil
Özgə atın minən, özgə yurda salar meyil
O gözəl dilbər, şaha xidmətdə durar
Sənə lazım olan qız, sənin evində salar yer

Bahəm gülmədinizsə, nəyinə gərək gülüşü onun?
Bahəm gəzmədinizsə, qoy yerisin, yerişi onun
Sənə Oğuz elindən xəbər gətirən qaqaşa de ki
Daha namə almıram, neynir eləsin, öz işi onun

Amma məni anla, Dəniz
Ruh bədənimi təslim edib
Məndən can elə gedir ki
Sanki Nəsimi dərisi gedir
Düzünə düşündüyüm hər şey indi tərsə gedir
O dəfə qızla xəyal qurdum
Uşağımız da dərsə gedir

Gəl qopart kökünü güvəndiyim dar ağacın
Mənə bir məhəbbət göstər
Usanmadan yara qaçım
Dərdi qəlbə yara açır, haram əğyara saçı
Dedilər xəstələnmişəm, tək divanə yar əlacım

Lap divara ismini yaz, mətbəxdən şəklini as
Bürün o alan şərfə gecəni, üfür, köksünə bas
Miri, ayıbdır, şairə yaraşmaz
Onunla nə xəyal qur
Nə də onun haqda şeir yaz
Bilirsən niyə? Axı, qış qara fəda
Oxumuş şair olammaz, deməsək şeirə xəta
Demirəm sevmə filan, demirəm sevmə ilan
Sadəcə özümə rəva deyilsə
Görmürəm sənə də rəva

Salam can la başlayan sevgi bitir əlvidayla
Bu elə bir şeirdir ki
Afətin də qəlbi dayanar
Hamı bizi başa düşür
Amma sən özünü hamı sayma
Biz ruhu təmiz bəndə
Biz nahaqqı haqdan ayıran

Salam can la başlayan sevgi bitir əlvidayla
Bu elə bir şeirdir ki
Afətin də qəlbi dayanar
Hamı bizi başa düşür
Amma sən özünü hamı sayma
Biz ruhu təmiz bəndə
Biz nahaqqı haqdan ayıran

Gözəlin eşqi gəlib yıxdı məni qəfildən
Vacib məsləhət, məni yola döndər xəlvətində
Uzağam afətimdən, xəbərsizəm hal-xətirdən
Mən özüm özümə sığmıram heç
Iki cahanı dar gətirmə

Dəli şeytanım ağıllanıb, şərik dərdə bir
Bu yollarımda mən səfil
Amma qalmadı qiymət-qədir
Ona yazdığım mahnılardadır şan-şöhrətim
Və denən ki, yenə yaz, şair
Yaz o eşqə dörd sətir

Ay şair, mən sənə nə deyim bundan artıq?
Elə bil, eyni şəhərə gedən ayrı qatarlardayıq
Sənə o cahan dar gəlirsə, deməli dardayıq
Gec olmadan ayıl ki, bilək hardayıq

Yaxşı, yaz, şair, sən yaz, amma ki
Məncə kifayətdir
Özün demişdin axı, o qız çəkir xəcalətin
Ya Rəbb, bəla gətir, qoy anlasın rəzaləti
Görək ondan sonra
Tərgidərmi Miri bu pis adətin?

O yeddi notun qibləsidir, tükənməz ibadətim
İstədin ki, tərgidim rədd eliyim pis adəti
Dəniz, bilirsən ki, hər şeirim cəhalətim
Musiqi də ki, yuxu kimidir
Gözəl yerdə bitir mətn

Yaşayır guya mənə görə
Amma ölür özgə dərdinə
Qayıtsın istəyərəm, qucaqlayım, öpüm yenə
Qəlbim eşqə qul sayılar, dərdi qalar xətrimə
Məsləhətin əmrin olar, silərəm o yarı xətrinə

Xətrimə deyil də, öz xətrinə et bunu
Sənə ən pakı qismət olar, aqibət budur
Dahi, kəs qolu, at, yazsa eşqin acı dilindən
O boğaza nəfəs vermə, nəfəsi kəs, qurut

Yadda saxla, Miri, cənnət-ü rizvan ötəndir
Bu yurda xoşbəxtlik tapmadınsa dəyiş kəndi
Bir də unutma ki, şair olan şeiri sevər
İndi belə deyirsən
Şair əhlin əqli dəyişkəndir

Salam can la başlayan sevgi bitir əlvidayla
Bu elə bir şeirdir ki
Afətin də qəlbi dayanar
Hamı bizi başa düşür
Amma sən özünü hamı sayma
Biz ruhu təmiz bəndə
Biz nahaqqı haqdan ayıran

Salam can la başlayan sevgi bitir əlvidayla
Bu elə bir şeirdir ki
Afətin də qəlbi dayanar
Hamı bizi başa düşür
Amma sən özünü hamı sayma
Biz ruhu təmiz bəndə
Biz nahaqqı haqdan ayıran